دئـێـزدیـاتـیـێ دا غـەیـبەت گونـەهـە
پير خه‌لات ئلياس
غەیبەت: کۆتنا کێماسیێن کەسێن نەدحازر و بەحسکرنا خەلکێ دبێژنێ (غەیبەت) فەسادی و ئەو کەسێ غەیبەتکار ئی بێ رەوشتە و روورەشە و شەرمێ ناکەت و دناڤا جڤاکێ ئێزدی دا نەی دلخوازە و ژ هەموو ئالیانڤە ئی بەر سار و شەرمەزارە و دێ ل رۆژا ئاخرەتێ گەهتە جزایێ وێ غەیبەتا کری.
ژ ئەدەبێ دینێ ئێزدیان دەتە دیارکرن و ژ قەولێ شەقە سەری پەسەند کەت و مەلک فەخرەدین دبێژت:
دلێ من ب سێ کەسا ناسۆژی
مرۆڤێ ب حال و بێ عیش بژی
مرۆڤێ کۆرەبت و دەستێت خۆ ب خەنایێ بڕێژی
و یێ ل دیونا روونێت و دەرحەقێ خەلکێ و عالەمێ بێژی.
ژ قەولێ هەسەدێ ئال تەوری دبێژت:
زۆر هاتنە حەدێ ڕێیا
ئەو خەبیر نەبوون ب چو مەعنییا
ئەو شکدارن ل هەڤ رێیا .
کەسانێ ل ڤێ دنیایێ هاژی هەقی و راستیا رێیا خودێ نەبت ئەو کەس دێ کەفتە بازارە گونەها و خسارەتێ و ل رۆژا ئاخرەتێ دێ ئێتە سزادان و ژ ئەدەبێ دینێ ئێزدیان دایە دیار کرن و دبێژت:
من گەلەک زمان دیتن ب سەر
ل ئاخرەتێ قیر دحەلاندن و بەردانە سەر
هەموو ئەو بوون یێن ژ نەبوویێ دان خەبەر
من گەلەک سەر دیتن ب زمانێ خۆ د هلواسە
ل رۆژا ئاخرەتێ زبینی دهاتنێ ب دوزان و داسە
هەموو ئەو بوون یێن ژ نەبویێ دکرن قال و بەحسە.
هون بوختانە مەکەن بران
دلێ خۆ سافی بکەن ژ غەدران
زۆر ژ ڤێ دنێ چۆن ب گونەهێت گران.
کەسانێ چوو ب چاڤێ خۆ نەدیتی نابت بەحسبکەت دێ گونەهبار بت و هەر کەسێ پاڤێتە خەلکێ ئەو نیشانا هندێ یە ئەو کەس ڤەمایێ غەیبەتا دای و بابێ خۆ یە و د جڤاکا ئیزدی دا ئەو کەس ئی بێ شەفائەت بێ مروەتە و ناگەهتە هەڤالا و رەوشتێ وی ب تنێ غەیبەتە و بلا غەیبەتکار بزانن یێ غەیبەت کری ب پارە و بەرتیلان نائێتە بەخشاندن.
