خلمەتکارێن پەرستگەها لالش کینە
مەهدی حەسەن
ژ قەولێ فەخرێ خاسە
هەری ب حەرفە و هەری ب ناسە
مێر ب خلمەتێ ئی خلاسە
……………
ئیمان ب خلمەتێ رەوا بوو
شیخادی ب خلمەتێ شا بوو
نۆت و نەهـ ئەرکان ژ قودرەتێ پەیدابوو.
خلمەتکار : ئەو کەسێن خوبەخش ژ کچ و کورا دچنە پەرستگەها لالشا نورانی ژ بو خلمەتێ و خزمەتا لالش دکەن ژ بو پاکی و پاقژیا پەرستگەهێ دپارێزن، بەلێ ئەڤ کەس کینە ڤێ خلمەتێ د کەن و چاوا ل پەرستگەها لالش د هێنە رێکخستن،
خلمەت : تشتێ هەریێ پیرۆزە د ئاینێ ئێزدیان دا، ل سەر دەمێ شیخادی سلاڤ ل سەر گیانێ وی بن ئەڤ خلمەتکار هەبینە و شیخادی دوعا ژ بو وان کرینە وەکی ل ڤێ سەبەقێ دبێژت (ھنجیێ خلمەتا مالا ئادیا بكەت ژ دلە
دێ زوو بتە مراز حاسلە
وەكی مەندێ شریف و مەندێ تۆكلە)
یە دیار و رۆن و ئەشکەرا بو ئەڤ خزمەتا خلمەتکارێن پەرستگەها لالش کرین نەخاسمە ل ڤێ جەژنا عیدا جەمایێ وەکی کارەکی پیرۆز و خێرەکا مەزن ل مالا شێخادی ئەنجامدایین نێزیکی (٤٥٠)گەنج و خورتێن کچ و کورێن ڤی مللەتی خو بەخش پاقژیا پەرستگەهێ دپارێزن ، ئەڤ خلمەت ژی پرۆسەکا مەزنە د هێتە ئەنجامدان ل لالش ب سەدەهێن سالا ئەڤ خلمەت دهێتە کرن ب رەزامەندیا میرێ شێخا و جاڤدێریا بابە شێخ و سەرپرشتیا بابێ چاویش ئەڤ پرۆسە د هێتە ب رێڤەبرن، خلمەتکار ژ هەمی تەخ و چینێن چڤاکی پشکداری ڤێ خلمەتا مالا شیخادی دبن ژوانا زەنگین بەلنگاز کەتخودا و هەژار خودان باورنامەیێن دەکتورا و ئەندازیار و ماموستا و قوتابی و لاو ژن بێ جیاوازی خو تەڤلی ڤێ خلمەتێ د کەن بێ بەرامبەر و خوبەخش و چ هاریکاریێ وەرناگرن ب هیچ رەنگەکی،
بو زانین دوو رەنگێن خلمەتکارا ل پەرستگەها لالش هەنە :
– هندەک بەردەوام سالی دوازدە هەیڤ هەمی هەلکەفتا و رۆژێن ئینیا و چارشەمبیا پشتی دەم ژمێر (٤) هێڤاری د چن خلمەتێ و گەلی پاک و تەمیز د کەن ژبەر کو خەلک ل ڤان رۆژا د چن زیارەتێ و خێر و خێراتا دکەن ل بەر دەرگەهێ شیخادی و دچنە سەر دەریێن خاسا و بەرمایکێن وان یێن خوارنێ و هاتن و چونا وان ل بەر ئاقدا و ناڤا گەلی د مینن ئەو د چن رادکەن و باقژ دکەن
– هندەک خلمەتکار تەنها رۆژێن هەلکەفت و چەژنا وەکی ل ڤێ چەژنێ رێژەکا زور وەک خۆبەش دهێن دیسا ل چەژنا عیدا حەجیا دێ هێن هەر وەسا ل رێ و رەسمێن چنینا زەیتونا و گڤاشتنا زەیتونا و کێشانا قولا و هەر رێ و رەسمەکی هەبن د هێن بو خلمەتێ
ل ڤێ چەژنا جەمایێ رێژا هەر زۆر ژ خلمەتکارا پشکدار بون ژبەر کو ئەڤ جەژن درێژترین جەژنا مە ئێزدیانە بۆ ماوەیێ (١٠)رۆژا ب شەڤ رۆژا خلمەت دکرن هەرۆژ دگەل شەبەقێ د کەفتن خێرێ و خلمەتێ و ل دەم ژمێر (٩) سپێ بهێنڤەدان دکرن تا دەم ژمێر (٣) هێڤاری جارەکا دی تا رۆژ ئاڤا دەست ب خلمەتێ دکرن، باقژیا گەلی پێکڤە د کەن هەر جهەکی هەبت خو لێ د کەن خودان، نێزیکی (٢٠٠) دوو سەد هەزار کەسی ل ڤان رۆژێن جەمایێ هاتینە گەلی و پشکداری رێ و رەسمێن جەمایێ بینە، پاشمایێن وان بەرمایکێن خوارنا وان بەتێلێن ئاڤێ مالمشت پیسیاتی هەر تشتەکی هەیی بێ دل پیسی دەستێ خو د هاڤێنێ و رادکەن ژ بۆ پاقژیێ کو خودێ خێر و خلمەتێن وان قەبول کەت هەر ژ سپێدێ و هەتا هێڤاری جەروفکێ پاقژکرنێ یێ ل دەستێ وان دا و پاقژدکەن و مالمشتێ د هاڤێن ئەڤ خورت و لاوێن سپەهی و جوان ب جلێن خلمەتکارا و خلمەتێ د کەن و دوست و هەڤال و کەس و خورت و گەنجێن ئێزدیان ل گەرا گوڤند و دیلان و خوشیا، خلمەتکار ژی ل ڤێ چەژنێ هەمیێ د خلمەتێ دا ،
کەسێن خلمەتکار ب مەرج د هێنە وەرگرتن نابت هەر کەسەکی هەبیت بیتە دناڤ رێزێن خلمەتکارا ئەڤ خلمەتکاریا پەرستگەها لالش و مالا شیخادی وەکی ئێکەتیەکا خلمەتکارا یە رێبەرێن خو بەرپرسێن گروپا هەنە هەر کەسەکی بهێتە خلمەتێ دڤێت خودان رەوشتەکی بەرز و پاقژ بیت ژبەر کو خلمەتکارێ مالا شیخادی حەساب وا ل سەر دڤێت دیندار بت و خودان بیروباوەربت و ژ هەر چینەکا ئێزدیان بیت چ (شێخ -پیر -مرید) دڤێت خلمەتکار ئەو کەسەبن ئەڤێن فەرزێن حەقیقەتێ و تەریقەتێ ب دروستاهی جیبەجی دکەن ژ نوکا بتە خلمەتکار ، ئەڤ کار هەمی خوبەخشی یە و بێ بەرامبەر و ب هیچ رەنگەکی نابت هاریکاریەکێ وەرگرن ،وەکی ل ڤێ سەبەقێ دیار دبت:
خلمەت بكەن سەد سالان و زێدە
ھەكە د سەری ھەیە فێتە
ژ خۆ نیشان ئەوە ژ پێشڤە تێتە
ژمارا خلمەتکارا ئەڤ سال نێزیکی (٤٥٠) چار سەد و پینجی خلمەتکاربوون هاتبونا دابەشکرن ل سەر (٢٠) گرۆپی هەر گرۆپەکی ل جهەکی خلمەت دکر هەموو د رێکخستی بوون ب ئێک دەنک هەمیا دگەل ئێک کار دکرن هەر وەسا ب ئێک دەنگ ڤەدگەریانا جهێ خو یێ تایبەت یێ بیهنڤەدانێ و نانخوارنێ بێ دەنگی و رێزگرتن ژ کارێن وان یێن سەرەکی نە جل و بەرگێن وان کلتورێ ئێزدیاتیێ نە و کور ب جەماندی و کچ ب لەچەک و شروال و کراسێن سپی د بەر وان دا جوانیەکا قەشەنگ هەبون دناڤا گەلی دا جار جار پشکداری گوڤەندا دەرێ کانیا سپی دبن ب دەنگەکی بلند شاباشا دکەن و هۆل هۆلا تاوسی مەلک و شیخادی ب دەنگەکی بلند گازی د کەن، هەر بوزانین ئەڤ خلمەتکارێن بەردەوام ئەڤێن سالێ هەمیێ د هێنە خلمەتێ ژ باشیک و بەحزانێنن و ئەڤ گرۆپێ باشیک و باحزانێ ئەڤە ژ کەڤندا ژ باب و پاپیرا هەر خلمەتکارێن مالا شیخادی بینە د بێژن هەر ل سەر دەمێ شیخادی خەلکێ باشیک و بەحزانێ ئەڤ خلمەت ل ستویێ خو داناین و هەتا نها پێشرەوێن خلمەتکارا نە و دبەرناس و شارەزایی کارێ خلمەتکارێ نە ، ل ڤان سالێن بوری نێزیکی (٣٠-٤٠) سالا خەلکێ بنکەندی نەخاسمە خەتاریا و هندەک کت و مات ژ خەلکێ ئێسفنێ و باسکێ شێخان ئەڤێ خلمەتێ د کەن کو خودێ و شیخادی خێر و خلمەتا هەر کەسەکی قەبول کەت و هەر سەر بەرز و بلندبن دناڤا چڤاکیدا …
ب دەستووری خودێ
خەلكێ عێرفی زانا وەرن
ل بەیانا بفكرن
بخۆ نەسیحەتا ژ ڤی قەولی ھلگرن
***
بخۆ ھلگرن نەسیحەتێ
دەركەفتی یە ژ مشووران و خەتێ
مێر یێ خلەسە ب خلمەتێ
***
ل خلمەتێ نە د مەلوول بن
قەنجە ھەڤالێت ئوصول بن
دا ل بەر پەدشێ خۆ د قەبوول بن
***
ھوون ل خلمەتێ نە د كسلان بن
ل خێر و چاكیا نە د پۆشمان بن
دا ل ئاخرەتێ نە د سەفیھ و سەرگەردان بن
***
یێ تەمام خودێ یە
ژێدەر /
– سەبەقە و قەول ژ ماموستا شرو و پیر خەلات ئەلیاس وەرگرتی نە
تُتاح هذه الصورة أيضا في: کوردی
