ئێزدی ملەتەکێ خودێ پەرێسن
مەهدی حەسەن موراد
ئێزدیا ژبەر دەست و دارێ ستەمکار گەلەک کارێد خۆ بنەهینی و دزیڤە د کرن ، چونکی بیروباوەرێد وان ژ یێد ملەتێد دۆروبەرێ وان د جودا بوون. فرمان بدوو فرمانێ ب سەرێ وان دا دهاتن و شەپەرزە و کووڤی بوون، ڤێجار ملەتێد دۆروبەری وان بەروڤاژی د گەلەک کریارێد وان د گەهشتن و هندەک جار ژ قەست د هاڤێتنە وان دا د چاڤێد خەلکێ دا بشکێن ، ئەوان د گۆتن ئێزدی خودێ ناحەبینن (پەرێسن) ، بەلکی (دێو) پەرێسن و شریک و هەڤالا ژێرا چێدکەن !.
هەگەر ئەم بەرێ خۆ ب دەینە مێژوێ دێ بینین دەستەیەکی وەکی ( مەلا یەحیا مزووری و شێخ رەبەتکی ) فتوە ب حلال کرنا کوشتنا ئێزدیا وا دایی … بەلێ ئەوێ باش تێکەلیا ئێزدیا کری و بەرێ خۆ دایە دان و ستاندنێد وان ژێرا قەنجا خۆیا بووی کو ئێزدی ملەتەکی زۆر خودان خۆف و ژ خودێ ترسن، د ڕابوون و رونشتنا خۆدا ، د هەموو شۆل و کارادا، ناڤێ خودێ دلۆڤان د ئینن و پرسکا سەرێ زمانێ وانە.
ڕاستە قەدەر و بەهایێ هەر هەفت ملیاکەتێد خودێ دگرن و رێزێ ل خاس و بابچاکێد خودێ دادنێن بەلێ سەروەرێ هەموا، خالقێ عەرد و عەزمان، جنس و جان هەر خودێ یە.
بەرێ خو ب دە ڤی قەولێ طاوسی مەلەک دێ چاوا بینی ئێزدی مەدح و سەنایا خودێ تاک و تەنیا دکەن و ژ خۆرا داخوازیا ساخ و سلامەتیێ د کەن ، هەر هۆسا دوعایێ ژ خودێ د کەن وان ژ قەدا و بەلا و نەبوویێد ڤێ دونیایێ دوور پێخت.
یارەبی عەلا شانەک و عەلا مەکانک و عەلا سولتانەک
یارەبی تویی کەریمی تویی رەحیمی
یارەبی هەر تو خودای
هەر تویی لائیقی مەدح و سەنای
یارەبی تو مەلەکێ مەلکێ جیهانی
یارەبی تو مەلەکێ مەلکێ کەریمی
تو مەلەکێ عەرشێ عەزیمی
یارەبی ژ عەنزەل دا هەر تویی قەدیمی
تو تام و کام و رای
یارەبی هەر تو خودای
هەر توی های
ئو هەر تویی لائیقی مەدح و سەنای
یارەبی تو مەلەکێ عنس و جنسی
یارەبی تو مەلەکێ عەرش و کورسی
یارەبی تو مەلەکێ گای و ماسی
یارەبی تو مەلەکێ عالەم و قودسی
تو لسەمەدئ لفتی لەمایی
تو لسەمەدی حەی ل مەجیدی
واحدی فەرز ل حەمیدی
یارەبی تو خالقی ئەم موخلقین
تو مرازی ئەم داخوازین
ژێدەر /
_ پەرتوکا پیر خدر سلیمان …ئێزدیاتی
تُتاح هذه الصورة أيضا في: کوردی
