د ئــێـزدیــــاتـــیــــــێ دا ڕەوشــــــتێ باش پــەروەردەیــە ژ خــــودێ ناســــیـێ هاتــی یـــە
پیر خەلات ئەلیاس
باشی و مەعریفەت و راستی ژ پەروەردا دایێ و بابێ دەست پێدکەت و هەر کەسێ خودان رەووشت ئی خودێ ناسە لەوما ژ ئەدەبێ دینێ ئێزدیان دایە دیارکرن و دبێژت:
هنجی جوانێ ل رێ یە
و هەموو کریارێت وی چێ یە
ئەو هەر و هەر حەبیبێ خودێ یە.
رەووشت وەسفەتن ئەو کەسێ راستگۆ ب دل و زمانێ خۆ دباش بت دێ رەووشت لێ پەیدا بت ، بەلێ ئەو کەس د دیارن ژ مەعریفەت و خێرخوازی و دل پاکیا خۆ لەوما دەمێ تو دگەل کەسەکی وەسا رودنێی و دێ بەرێ خۆ دەیێ رەووشتێ وی هەموو ژ ئیمانێ باوەریێ یە ، دلێ ڤان کەسان مینا دەریایەکێ مەزنە و گۆتن و مەعریفەتا وی یە جەهوەردایە.
ژ ئەدەبێ دینێ ئێزدیان دبێژت:
ئاقل هەدایەتە
هنجی روحا ب تەربییەتە
ئەو روحا لبەر پەدشێ خۆ یە ب عزەتە.
هەر هۆسا ئەو کەسێ ب دلێ خۆ باش بیت و زمانێ خۆ خرابت ئەوژی خویادبت بەلێ ب شێوەکی جودا دیار دبت و کەسەک هەڤالینیا وی ناکەت ژ بەر زمانێ وی یێ بێ رێز و بێ رەووشت.
بەلێ هەر کەسێ ب زمانێ باش بیت و ب دلێ خۆ خراب بیت ئەو زوو تێتە دیارکرن ژ بێ رەووشتیا خۆ تێتە ناسین کو کەسەکی دوو خەبەرە و نەهاتیە پەروەردەکرن و بێ رەووشتەکی دوو روو وە .
تُتاح هذه الصورة أيضا في: کوردی
