شەهدە زۆری
پير خه‌لات ئلياس
شەهدە زۆری و بەرتیل خۆر دوژمنێت خوەدێنە
هەر کەسێ شەهدە زۆریێ بدەت دباوەریا ئیزدیان دا ل رۆژا ئاخرەتێ ل هەق و حسێبیێ ( سەر و چاڤ و تلی و زمان و گوهـ و کەپوو و دەڤ و لێڤ) هەموو دێ شەهدەیێ لێ دەن و دێ بێژنێ: ل فلان رۆژێ و هەیڤێ و سالا هندێ تە شەهدە زۆری وا دایی و تە بەرتیل ستاند و هەموو دێ بتە جزا و بار گرانی و حوکم و جۆر و جەفا و دێ ئێتە سەر روحا وی و دێ پێ خسار بت، لەوما شەهدە زۆری د ئاینێ ئێزدیان دە گونەهە و یە حەرامە.
ژ ئەدەبێ دینێ ئێزدیان ژ قەولێ (ئیمانێ) دەتە دیارکرن و دبێژیت:
بەرتیل نەخۆ ئەف دەر وارە
شەهدەیا بدەرو نەدە دێ بەلاڤ بە
بزانە دۆژە هەیە ل ناڤ دوبشکان و مارە.
ل گۆڕ رۆناهیا ڤێ سەبەقێ ژ قەولێ ئیمانێ شرۆڤەدکەت:
هەر کەسێ هاتیە سەر روویێ کنیاتێ ئەوی دین و ئۆل و ئەرکانێت خۆ یێت هەین و ل سەر وی فەرە راستگۆبیت و دەرەوێ نەکەت و بەرتیلێ نەخۆت و شەهدە زۆریێ نەدەت، و هەر دەم خودێ ل بیرا خۆ بینت و بزانت ل رۆژا ئاخرەتێ ب ئەمرو فەروارێن خوەدێ دێ وی هاڤێن ناڤ دوبشک و ماران ل دۆزەخێ ( جەهنمێ).
لەوما کەس خۆ ژ هەقیا خوەدێ نا دەتە ئالی و دڤێت ئەم ل رێیا خوەدێ هەرن و دا بگەهینە مرازا خۆ و دیسان ژ ئەدبێ دینێ ئیزدیان ژ قەولێ پیر هەسن دبێژیت:
وەختێ تو هاتییە دڤێ دنێ دە
راستیێ بێژە ژ خوەدێ رە
تالیا راستیێ هەر فێ دە.
بلا هون نێنە خاپاندن بۆ چار فلسێن مالی سەر دنیایێ و خۆ پارێزن ژ ئاگر و غەزەبا جەهنمێ ل رۆژا مرنێ، هەر وەسا سەبەقەیەک ژ قەولێ ئاخرەتێ دەتە دیارکرن و دبێژیت:
من زۆر ل ڤێ دنێ دیتن بزمان و سەر
ل ئاخرەتێ قیر دحەلاندن و بەردانە سەر
هەموو ئەو بوون یێن ژنەبوویێ دان خەبەر.
هەر کەسێ ژ نەوویێ خەبر بدەت و یێ ژێرە بتە شەهدە دێ پۆشمان بت و لسەر روحا وی تێتە نڤیسین و دیسان سەبەقەک ژ ئەدەبێ دینێ ئیزدیان دەتە دیار کرن و دێژیت:
گەلەک هەینە دەرەوینن
و گەلەک هەینە ژێرە ل دیوانا تەوینن
ل ئاخرەتێ ئەو ژی دێ خۆ ل مەحکەمێ بینن.
ل گۆڕ میتۆلۆجیا ئێزدیان هەر کەسێ شەهدە زۆری دابت و رۆژا دمریت کەس و کار و خزم و لێزم و تالیا وی خێرێ بۆرا ناکەن و هەر ژ سەد کەسی ئێک نابێژیت خوەدێ برەحمینت و بەرو ڤاژی ل شونا دوعایا دێ نفرین لێ کەن …. .
تُتاح هذه الصورة أيضا في: کوردی
