ته‌مموز 20, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پير خه‌لات ئلياس:دانەبی دئێزدیاتیێ دا

دانەبی دئێزدیاتیێ دا

پير خه‌لات ئلياس
پەیڤا دانەبی ژ دوو پەیڤان پێکهاتییە:
دا ـ داوا ـ ئانکو دەعوا ، نەبی ژ نەڤی هاتییە و لسەر زاراڤێ کەڤنار دگۆتنا نەڤیا نەبی و هەتا نهۆ ژی پەیڤا نەبی یان نەڤی ل ئەرمینیا و جۆرجیا و مسقۆفا و هەتا ب سەر حەدێ پەیڤا نەبی و نەڤی بۆ ئێک رامانێ بکارتینن.
واتایا ناڤێ دانەبی: دا ـ دەعوا + نەبی ـ نەڤی = دەعوا نەڤی، دەعوەتا نەڤیێت خاس و باپچاکان.
دەعوا نەڤیێن خاسان دئێزدیاتیێ دا باوەریا خودێ ناسینێ یە و هەر ژ کەڤندا و لسەر دەمێ سۆمەریا و بەری وان و هەتا نهۆ مللەتێ ئێزدی قوربانی خێر ب خێرا ناڤێ خودێ و خودانیێت خۆ داینە و هەر سال رۆژەک ژ پشتی جەژنا سەرێ سالا ئێزدیان هەر ئینی و چارشەمبوو دبتە دانەبی ( دەعوا نەڤیێت خاس و باپچاکان) و مجێورێن وان خاسا و هەر وەسا مریدێن وان دێ زادەکی چێکەن ب خێرا ناڤێ خودێ و خاسێ خۆ یان شێخ یان پیرێ خۆ و ل هێڤارا دانەبیێ مجێور دێ بسێ دەنگا بانگەدەت: سبە دانەبیا ……… فلان خاسی یە.
ل رۆژا دی سوبێ خەلکێ گوندی دێ قەستا مالا وان کەن ئەوێن دانەبی کرین و خەلک دەعوەت کری، لەوما ل رۆژا دانەڤیێ فەرە ل سەر مالا خێرێ بکەت ئەو گوندی و جیناران دەعوەت بکەتە خێرێ.
بۆ زانین هەکە مالەک زادەکی چێکەت و بسەر خەلکێ دا بەلاڤەکەت و خەلکێ دەعوە نەکەت ئەو نابتە دانەبی بەلکو خێرە و ناڤێ دانەڤیێ لسەر نائێت چونکە ئەوان کەس دەعوەت نەکریە، بەلێ دەمێ خەلکێ دەعوە بکەت ئەو هنگی دبتە دەعوەت نەڤی، هەر دسان بۆ زانین پیر بناڤێ پیرایێ دەعوەت نەڤیێ دکەن و شێخ بناڤێ شێخانیێ دکەن و مرید خودان خێرن و شەندلخوازن ئانکو بڤێت بناڤێ پیر یان شێخی یان بناڤێ خودانێت مالێ شێخی و پیری دکەن هەر خێرە، گەلەک جاران بویە جهێ پرسیارێ دێ بێژن بتریا دانەبییان بناڤێ شێخا تێنە کرن، ئەڤە راستە ژبەر ئیزدیاتی وا دسێ قۆناغان را دەربازبوی و قۆناغا ئەول پیرانی بوو و قۆناغا دوویێ مریدایی بوو و قۆناغا سێیێ یا دوماهیێ شێخانی بوو لەوما بتریا ئێزدیان دانەبی ل سەر ناڤێ شێخانیێ دان و شێخ و پیر و مرید ئێک و دوو تەمام دکەن و هەموو خێرە بناڤێ خودایێ مەزن و ئەڤەیە خودێ ناسین و بەردەوامیا دانەڤیێن خاسان و بتایبەتی ل باسکێ شێخان ل گۆمەلگەها مەهەتێ دانەڤی تێنە چێکرن و گێڕان هەر ژ ئینیا پشتی جەژنا سەرێ سالا ئێزدیان و هەتا ئینیا پشتی جەژنا چللێ هاڤینێ.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi