ئایار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جوان عزەت:ئالۆزیێن بوون و دونیایێ‌

ئالۆزیێن بوون و دونیایێ‌
جوان عزەت
بوون ئەو جەوهەرە یە یێ‌ كو ڤەدگەرت بۆ لێگەریانا گەلەك دەم و قۆناغێن جودا و جیاواز د ناڤ ناخێ‌ مرۆڤی دا، ئانكو ل پەی تەرزێ‌ زێدەبوونا بیرمەندیێ‌ دچت و بەربەست و دیاردەیێن بەردەوام دناڤ جڤاك و كۆمەلێ‌ دا د كوژت ژبۆ هندێ‌ دونیایەكا دیتر ژ بنەمایێ‌ پرەنسپ، رامان، گۆتار، ژیان، سیستەم ، جەوهەر و سیاسەتێ‌ دروست بكەت، نەكو ئەو هەبوونا دناڤ ناڤەرۆكا جڤاكی دا هەی لادەت یان ژی وێران و یاخی بكەت، بەلكو بتر بەرەف گوهۆرینەكا نووخواز ببەت.
دەمێ‌ مرۆڤ دبێژت گوهۆرین، واتە گوهۆرینا زێهینی و گوهۆرینا دەم و زەمانی، بەلێ‌ مەترسیدارترین نەخۆشیێن دیرۆكا هزر و دونیایێ‌ ئەوە مرۆڤ خۆ ل سەنتەربوونا ژیانێ‌ دوور دگرت و بیرناكەت، بەلكو بتر هەولددەت فرەجۆریێ‌ دناڤبەرا رەفتار، كریار و ئەگەر، پرۆسێس و ئەنجامێن دورهێلی یێن دیرۆكا مرۆڤایەتیێ‌ بەرتەنگتر و لاواز تر لێ‌ بكەت، بوویە ئالۆزیێن بوونێ‌ ل ڤێدەرێ‌ دەست پێ‌ دكەن كو بەشەكێ‌ زۆر یێ‌ هزرێ‌ ل دووڤ جەوهەر و سیستەمێ‌ كەتواری/ واقعی، جڤاكی و ئەخلاقێ‌ ئینسانی/ مرۆڤی ناچت، كارێ‌ هزرێ‌ ئەوە تاك د گریمانا فرەرەنگیێ‌ دا خۆ پێش بێخت و زانستێ‌ كۆمەلناسی و مرۆڤناسی هەر زوو دەستنیشان ب كەت، داكو دبوارێ‌ وێنەیێ‌ مرۆڤبوونێ‌ دا ببتە هەلگرێ‌ (بوون و دونیایەكا) راستەقینە.
ئەڤ دونیا یە یا مشەیە ژ وێنەیێن كوژەك، وێنەیێن رەسەن، وێنەیێن نارەسەن، وێنەیێن بەرتەنگ و كوور، وێنەیێن باش و خراپ، وێنەیێن پری ژ داهێنان و ئافراندن، ئانكو ب هەردوو شێوازان ئەرك و ڕۆلێ‌ خۆ هەیە، بەلێ‌ د ئاستێ‌ گەشەكرنێ‌ دا هزرا دونیایێ‌ هۆسا د سەلمینت ئەو راستییا دناڤبەرا مرۆڤ و گەردوونی دا پەیوەندی ب دیاردە و جەوهەرێ‌ جڤاكی ڤە هەیە و چ تشت نینە یێ‌ نەگۆر بت هەموو تشتان ئامادەكرن بۆ دونیایا گوهۆرینێ‌ هەیە، بەلێ‌ هەر سەردەمەك ب شێوازەكی جیاواز دبت و پراكتیكا وێ‌ دیاردبت، نەمازە دەم ژ دەمی جودایە ئەو بوونەوەرێ‌ ل سەر ڕوویێ‌ ئەردی مژوولی خودسازیەكا بێ‌ داویە و كارڤەدانێن وێ‌ بۆ زمانێ‌ دەربرین و حەقیقەت و تێگەهشتنێ‌ ژ جڤاكەكی بۆ جڤاكەكێ‌ دی تر یێ‌ لاوازە یان ژی بهێزە.
ئەنجام/ یا ئاشكەرایە ئەوا ئیرۆ چێبوی دونیایەكا دی یا دایە وێنەكرن، چنكو گرنگییا ڕۆلێ‌ هزر و ئەدەبیاتێ‌ ل سەر هەموو مرۆڤان نابتە هاریكاری و ئاراستەیەكا بەرجەستەكری ب تایبەتی مرۆڤ د سەردەمێ‌ نۆكە یێ‌ پۆست مودێرنیزمێ‌ دا یێ‌ بەرەف ئالۆزی و بێ‌ ئۆمێدی و رەشبینیێ‌ دچت و پەنایێ‌ نابەتە بەر هزرێ‌، بەلكو كەفتینە بەر ڤەكۆلینا سیفەتێن دیرۆك و ئەفسانەیێن كەڤن، لەورا بەری وەختی د نەچارنینن دانپێدانێ‌ ب وان كاودانێن پێشوەخت بكەن، ژبەركو ئەو نزانن ئەركێ‌ فكر، ئەدەبیات و هۆنەری ئەوە دۆخێن ئارام دئینتە بەرهەم ئینانێ‌، ب ڤی رەنگی هزر ژی ناكەفتە بەر سیها بوونێ‌ و دونیایێ‌ ژی د بیركرنا راست دا دەرباز نابت، زێدەباری هەر مرۆڤەك ل سەر حسابا باجێن مرۆڤەكێ‌ دی دژیت، هەر وەلاتەك ل سەر حسابا وێرانكرن و تالانكرنا وەلاتەكێ‌ دی ژیانێ‌ بەردەوام دكەت و هەر دەولەتەك ل سەر بازرگانیكرنا دەولەتەكا دی دونیایێ‌ بەرهەم دئینت و قازانج دكەت، لەورا د ڤێ‌ گۆشێ‌ دا جڤاك باجا وان شاشییان ددەت و بەردەوام ململانا بەهایێ‌ كالاكرنا مرۆڤی یا پەیدادبت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi