جه‌ژنا بێلندێ (جه‌ژنا رۆژێ)
شه‌مۆ قاسم
ئيكه ژكەڤنترين جەژنێن مه ئيزديان و ڤەدگەرته دەمێ میترایا ول جەم ئێزديان دكەڤە ئینیا سيێ ژكانوونا ئيكێ يا رؤژهلاتى وئەڤ ساله دئ كەفته روژا ئینیێ 6/1/2023
ول ڤێ جەژنێ رێ ورەسمێن جورا وجۆر دئێنه گێران
پەیڤا بێلنده پەيڤەكا ئاراميه رامانا بوون يان نووكرن دهێت ئانكو روژ بازنئ خۆ تەمام دكەت وئەرد بەرەڤ بورجەكا نوو دچت و خۆلا خۆ
تەمام دكەت و دەست بڤەگەريانا خۆ بەرەڤ هەڤراز دكەت
رئ ورەسمێن جەژنێ ب ڤی شيوەى نە
ل هيڤارا جه ژنێ هەر مالەك ئاگرەكى هەل دكەت ژ رەشكێ (كوو درخته كى گه له ك زوو دئێته سۆتن) وهەموو ئەدامێن خێزانێ ب خۆشى وجوش ل دۆر ئاگرى دزڤرن وژنك شريناهيا ب سەر وانده د هاڤيژن ودهلهلينن ودبێژن يا خودێ توو گونەها ژ مه دووركى .
دیسان فتيل دئێنه هلكرن ل بەر دەرگەهێ هەموو مەزارگەها
وخوارنه كا تايبەت دهێتە چێكرن دبيژنئ (ميرهه)یان ( كەشكين) ونانەك دهێتە پاتن دبێژنێ (سەوك )
ديسا نانەكى تايبەت دهێته دورستكرن دبيژنئ (خەولێره ) ومێويژەكێ دكەنه دناڤده وباشی دسترێن هەتا ئەو مێويژ دناڤده هندادبت وپاشى دقەلينن ول هێڤاريا جەژنێ ب رێ ورەسمەكا تايبەت دئێته دابەشكرن ل سەر ئەندامێن خێزانێ بێ جوداهى چ نێر يان مێ بت و كەسێ ئەو مێويژ دبەهرا وى چۆ ، دئ ئێته خەلات كرن، ودبێژن رەوشا سالا نوو ل سەر بەختێ ویە
هندەك رێ ورەسمێن دی ژى دئێنه گێران ل ئينيا بەرى بيلندێ ودبێژنێ بێلندا پيرا و هندەك جيها وتايبه ل شنگالئ دبيژنئ مێلمێلاڤ كو بتنى هوزا جوانا پێ رادبن و ب رێ ورەسمين تایبەت و هندەك دبێژنێ (پێلندا پیرا ) بەرى ھاتنا شيخادى ئەڤ جەژن دهاته گێران وەك ئەركەكى ئۆلى ھەر سال ئەڤ جەژن د كه فته د ھەفتیا ئێكێده ژ چلێ زڤستانێ ل نك پیرێن پیرافات و مجێوڕێن پیرافات ب چەند ڕێوڕەسما ل مالا مجێورێ پیرافات و ل ھەر گوند و جیەكی نيشانێن پيرافات ھەبن رێورەسما لئ دگێرن ،
هه ر ديسا رئ وره سمين مێمێلاڤێ دناڤ عەشيرا جوانا ده د ئێنه گێران ل چيایێ شنگالێ وەك رێزگرتن بو خاس و چاكێ ئيزدى (پيرێ ئالى ) دەمێ سەرەدانا دەڤەرا شنگالێ كرى وپێشوازى لێ هاته كرن ژ ئاليێ عەشيرا جوانا كو كەڤنترين عەشيرا دەڤەرا شنگاله
چه ندين ملله تين دى ژي ڤان رئ ورەسما دگێرن. ودبێژنێ (يه لدا)ل شه ڤا 21لسه ر 22 ى كانوونا ئيكئ يا ميلادى وئه و دبته دريژترين شه ڤ د سالئ ده ( 14 ده مژمێر ) وروژ دبته (10ده مژمێر ) پشتى ڤئ شه ڤئ دئ شه ف كورت بن وروژ دئ دريژبن
دڤێ شەڤا پيروزده وەكى نەریتەكى سالانه ژ كەلتوورێ كوردى وئاهەنگێن جورا وجۆر دهێنه گێران وخاتر خواستنێ ژ درێژترين شەڤ دكەن وئاهەنگان دگێرن ژبۆ زالبوونا رۆناهيێ ل سەر تاريێ و بتريا ژبدەرين كەڤن دبێژن دەستپيكا بوونا ميترا يه خودانێ روژێ و رۆناهيێ
ل جه م ئه وربا وئه مريكا دبته روژا بوونا حەزره تئ عيسێ سلاڤێن خودێ ل سەر بن
تُتاح هذه الصورة أيضا في: کوردی
