ئاشتی یا جڤاكی وەك هێمایەك بۆ پێشڤەچوونێ
سەگڤان شنگالی
ئاشتی دەست پێ دكت وەك پرۆسەكا ژیانێ یا كو تێدە شەر و نەخۆشی و توندوتیژی و هەڤركیێن توندوتیژ نەبن،ئانكو ئاشتی ل دژی ڤان زاراڤێن ئاماژە پێكری یە، بەروڤاژی ڤێ چەندێ ئاشتی پێكدئێت ژ ژیانەكا خۆش كو تێدا ئارامی و بەختەوەری و وەكهەڤی هەبت بڤێ چەندێ دێ ئاشتی بەرقەرار بت.
سەبارەت ئاشتی یا جڤاكی وەك ئەم دزانن دەستپێكێ تاكەكەس و پاشی ژی كۆمەكا تاكەكەسان دێ جڤاكان پێكئینن و ژیانێ ب رێڤە بەن و ئەو جڤاكە دێ بنە هەلگرێن پەیامێن ئاشتی یان شەر یان هەر پەیامەكا دی هەبت و ب وان پەیامان دەربرینێ دێ ژ وی جڤاكی ئێتە كرن،سەبارەت ژلایێ ئاشتیێ ڤە ئاشتی دبتە پشكەكا گرنگ د هەبوونا هەموو جڤاكێن مرۆڤان دا وەك گەلەك ئالیێن ژیانێ دبتە فاكتەرەكێ گرنگ ئەوێن كو رادبن ب پێشڤەبرنا جڤاكی و وی جڤاكی دگەهینت ئاستێن بلند یێن پێشكەفتن و خۆشگۆزەرانیێ.
وەك هزر و دیتن ئاشتی یا جڤاكی ژ چەندین خالێن گرنگ پێكدئێت،ئەو ژی ئەڤەنە:
1_هەبوونا هزرا ئاشتیێ د سەرێ تاكەكەسێن جڤاكی دە.
2_رێزگرتن ل یەك چ ژ روویێ(ئاینی، سیاسی،ئایدیۆلۆژی، ئابووری، كۆمەلایەتی،رەگەز،تەمەن،پێتڤیان و داخوازیان)…هتد.
3_هەبوونا یاسایەكا بهێز كو فرەیا جڤاكی تێدا هەبت و ئەو یاسایە سەروەربت بێ جوداهی لسەر هەموو ئەندام و پێكهاتەیێن دناڤ جڤاكی دا دژین.
4_گەهاندنا پەیاما راست و دروست یا ئاینێن دناڤ جڤاكی دا كو بنیاتێ وێ ئاشتی و پەسەندكرن و لێبۆرین بت.
5_بەخشینا ماف و ئازادیان،گرەنتی و پاراستنا وان ماف و ئازادیان بێ جوداهی
6_خۆ دورخستن ژ دەستێن دەرەكی.
هەروەسا دگەل هەبوونا چەندین خالێن دی، ئەڤێن مە ئاماژە پێكرین هەموو دگەل یەك یان بەشەك ژ وان دێ كارن ئاشتی یا جڤاكی بەرقەراركن و ئارامی و ئاساییشێ مسۆگەر كن و وەسان كەن كو جڤاكەك نموونە ژ روویێ پێشكەفتنێ ڤە بەرهەم بێت.
ئەگەر ئاشتی یا جڤاكی هەبت دێ ئەڤ خالێن گرنگ دناڤ جڤاكی دا پەیدابن:
1_ئاشتی یا جڤاكی دێ بتە هاریكار ئەندامێن جڤاكی ئارام بن و هەست ب مەترسیێ نەكن.
2_ئازادیا یاسایی دێ بەرقەرار بت.
3_داهێنان دێ پەیدا بت.
4_پەیوەندیێن جڤاكی دناڤ پێكهاتەیان دا ب هێز بن.
5_هاریكاریێن مرۆڤایەتی دێ هەبن ب شێوەیەكی باشتر.
6_داهاتێن بەردەست ب شێوەكی وەكهەڤ دێ ئێنە بەلاڤكرن.
تُتاح هذه الصورة أيضا في: کوردی
