تۆرا لالش
ل رێكه‌فتی (٢٠٢٥/٥/١) د رێورەسمەکا ژ هه‌ژی دا جه‌لال شێخ الیاس مراد سەرۆکێ مالا ئێزدیان ل باژێرێ هەلسنبۆری ل سويد (Ezdyan Huset i Helsingborg, Sverige) سه‌ره‌دانا نڤیسینگەها لالش مەهەتێ كر و ژلایێ به‌رپرسێ نڤیسینگه‌هێ مه‌هدی حه‌سه‌ن هاتە پێشوازی كرن.
تێ زانین خه‌له‌ف الیاس ئەندامێ دەستەیا بلندا لالش ل دهوکێ و ژمارەیه‌کا رەوشەنبیر و کەسایەتین دەڤەرێ د ئاماده‌بوون و ل دەسپێکێ مەهدی حەسەن پەیڤا ب خێرهاتنێ پێشکێشکر و بخێر هاتنا شێخ جه‌لالی کر وەک سەرۆکێ مالا ئێزدیان و کورتیەک ژ ژیاناما وی و کار و خزمەت و خەباتا وی ل وەلاتێ سوید دا دیار کرن کو ئەڤە (١٥) ساله مالا ئێزدیان ل وی وەلاتی ئاڤاکری و بوویە مالا هەر ئێزدیەکی و دەستێ هاریکاریێ ب رێژەیه‌کا بلند گەهاندییه خەلکێ مەیێ دەربەدەر نەخاسمە پشتی هاتنا داعش، هەر وەسا چەندین داخویانی (بیان) دەرئخستینە و نەرازیبون و هاوار و گازیێن رەڤەندا کوردین سوید چەندین جارا گەهاندیا حکومەتا سوید و جهێن شوله‌ژێ.
ژ بەر ڤان کار و خزمەتێن شێخ جه‌لال نڤیسینگه‌ها لالش مه‌هه‌تێ خه‌لاته‌كێ رێزلینانێ پێشكێشی ناڤهاتی كر و رۆلێ وی یێ گرنگ و هاریکار و پشتەڤانیا مالا ئێزدیان یا بەردەوام ل وەلاتێ سوید ژ بۆ ئێزدیاتیێ وەک (مالا ئێزدیان ل هەلسنبوری – سويد (Ezdyan Huset i Helsingborg, Sverige) بلند هاته نرخاندن.
ل دووڤدا شێخ جه‌لالی ب دریژاهی بەحسێ پرۆژێ مالا ئێزدیان و پەیوەندێن وان دگەل حکومەت و ریکخراوین جڤاکێ سڤیل و ئەو هاریکاری و خزمەتا رەڤەندا کوردێن سوید کری نەخاسمە یا ئێزدیان دا دیار کرن.
تُتاح هذه الصورة أيضا في: کوردی
