تۆرا لالش
دەقێ پەیاما سەرۆك بارزانی:
بناڤێ خۆدێ مەزن و دلۆڤان
شۆڕەشا گۆلانێ، ئێكە ژ گرنگترین وێستگەهێن بەرخودان و خەباتا گەلێ كوردستانێ كو درێژەپێدەر و هەلگرا پەیام و ئارمانجێن شۆڕەشا مەزن یا ئەیلوولێ یە. ل ڕەوشا نە سەقامگیرا پشتی نسكۆیێ و ل ئاوارەییێ و ل ژێر فشارێن نەیارێن گەلێ كوردستانێ ب پلانەكا هویر یا ڕێكخستی و سەربازی و ب ئیرادەیەكا بهێز، شۆڕەشا گۆلانێ هاتە بەرپاكرن.
د شۆڕەشا گۆلانێدا گەلێ مە قۆربانییێن مەزن دان، گەلەك پێشمەرگەیێن قارەمان گیانێ خۆ فیدای كوردستانێ كر، پشكەكا مەزن یا كۆڕێن گەلێ مە ئاوارەیی و وەستیان و دەستنەداهێلان هەلبژارت، شۆڕەشا گۆلانێ بۆ هەموو لایەكی سەلماند كو ئیرادەیا تێكۆشان و خەباتا گەلێ كوردستانێ بۆ ئازادییێ چ جاران ناشكێت و دێ یا بەردەوام بیت.
د چل و نەهەمین سالڤەگەرا شۆڕەشا گۆلانێدا، سلاڤان بۆ گیانێ ئێكەم شەهیدێ شۆڕەشێ، شەهید سەید عەبدوللا حاجی ئۆمەرانی و هەموو شەهیدێن كورد و كوردستانێ دهنێرین، هەروەسا مە ڕێز بۆ هەموو وان تێكۆشەر و پێشمەرگە و نشتیمانپەروەران هەیە یێن كو ڕۆل د شۆڕەشا گۆلانێدا هەبوو و شانازی بۆ گەلێ مە تۆمار كر.
تُتاح هذه الصورة أيضا في: کوردی
