تۆرا لالش
د چارچوڤێ هه‌لمه‌تا نیشتیمانى یا به‌رهنگاربوونا مادەیێن هۆشبەر دا، ل رێکەفتی 25/6/2025 بنگەهێ لالش تایێ شاریا ب هەماهەنگی دگەل ناڤەندا سێمێل _ئێکەتیا ئافرەتێن کوردستانێ و ناڤەندا یا ئافرەتێن شنگال رابوون ب رێكخستنا سمینارەکا هشیاریێ ل کۆمەلگەها شاریا بو بتر ژ ( 100 ) ئافرەتێن خوه‌جهـ و ئاواره ل کۆمەلگەها شاریا.
چالاکی ژ چەند برگەیا پێک دهات، ل دەستپێکی پەیڤا بخێرهاتنێ ژ لایێ ئێکەتیا ئافرەتێن شنگال ڤە هاتە کرن تێدا بخێرهاتنا هەموو مێهڤان و دام ودەزگەهێن حزبی و ئامادەبوویان کر.
پاشان پەیڤا چالاکیێ ژ لایێ بەرپرسا ناڤەندا ئافرەتێن سێمێل خانم ( ڤیان ئەکرەم ) ڤە هاتە پێشکێشکرن.
سمینار ژ لایێ بەرێز (مقدم فەلاح حەسەن)ڤـە ژ رێڤەبەریا بەرهنگاربوونا توندوتیژیا دژی ئافرەت و خێزانان ڤە هاتە پێشکێشکرن، د ڤێ سمینارێ دا بەحس ل هەلمەتا بەرهەنگاربوونا مادەیێن هۆشبەر ب تیروتەسەلی هاتە کرن، کارتێکرن و زیانێن وێ بۆ جڤاکی و تاکێن کومەلگەهێ و رێکێن بەلاڤبوونا وێ و زیانێن وێ و چاوانیا خۆ پاراستن و خۆ دوورکرن ژێ.
ژ لایەکی دیڤە بەحس ل وان جۆرە سزایان کر یێ کو بازرگانیێ ب مادەیێن هوشبەر دکەت.
د نها دا ئێکە ژ کێشێن هەرەمەزن دناڤ جڤاکی دا و بەلاڤە دبت و ب تایبەت دناڤا گەنجان دا و کارتێکرنەکا مەزن ل سەر رەوشا وان دکەن، ژبەر هندێ گرنگە لسەر هەر تاکەکی جڤاکی و دام ودەزگەهێن پێگەهاندنا گەنجان ڤان جۆرە چالاکیان ئەنجام بدەن ژ بۆ ئاڤەداناکرنا جڤاکەکا ساخلەم.
ل دووماهیێ ژی دەرگەهێ دانوستاندنێ هات ڤەکرن و چەندین پرس ژئالیێ ئامادەبوویانڤە هاتنه ئاراستەکرن و گەنگەشە ل سەر هاتەکرن.
تُتاح هذه الصورة أيضا في: کوردی
