تۆرا لالش
ل رۆژا ئینیێ رێکەفتی ٢٠٢٥/٦/٢٧، د چارچۆڤێ چالاکیێن جۆراوجۆر یێن بنگەهێ لالش تایێ سنوونێ یاریه‌كا هه‌ڤالینیێ یا ته‌پاپێ ل كۆمه‌لگه‌ها شاریا هاته ئه‌نجام دان.
یاری دناڤبەرا تیما زه‌عیم یا گەنجێن کۆمەلگەها شاریا و گه‌نجێن ناوچەداریا باعه‌درێ دا بوو و یاری ب ئه‌نجامێ (7-6) ب سه‌ركه‌فتنا تیما زه‌عیم ب داوی بوو.
تێ زانین باشترین یاریكه‌ر و گۆلچی یێن ئاواره و خوه‌جهێن هه‌ردوو ده‌ڤه‌ران پشكداری كربوون و ل دوماهیکێ کۆمەکا خەلاتان ب سه‌ر وان دا هاتنە بەلاڤکرن.
هەر وەسا ژلایێ خوە ڤە هەردوو تیما خەلاتەکێ تایبەت یێ ڕێزلێنانێ پێشکێشی تایێ سنوونێ کرن و ڕۆلێ تایێ سنوونێ ل گوند و کۆمەلگەهێن ئێزدیان و ب تایبەت د بیاڤێ گه‌نج و وه‌رزشڤانان دا بلند نرخاندن.
تُتاح هذه الصورة أيضا في: کوردی
