سه‌رۆكێ حكومه‌تێ: پێشكێشكرنا هه‌مى هاریكاریان بۆ بریندارێن كاره‌ساتا حه‌مدانیه دوپات دكه‌ین
گاڤ
سه‌رۆكێ حكومه‌تا هه‌رێما كوردستانێ دوپاتى ل سه‌ر پێشكێشكرنا هه‌مى هاریكاریێن پێدڤى بۆ بریندارێن كاره‌ساتا به‌خدێدا (حه‌مدانیه) كر.
مه‌سروور بارزانى ل سه‌ر تۆرا ئێكس به‌لاڤكریه “من سه‌ره‌دانا بریندارێن كاره‌ساتا ئاگربه‌ربوونێ یا به‌خدێدا (حه‌مدانیه) كر و هیڤیا چاكبوونا زوى بۆ وان خواست و من پێشكێشكرنا هه‌مى هاریكاریێن پێدڤى بۆ وان دوپاتكر”.
دیار ژى كریه “هه‌روه‌سا من پشكدارى د به‌هیا قۆربانیێن كاره‌ساتێ دا كر و سه‌ره‌خۆشی و هه‌ڤخه‌میا خۆ گه‌هانده بنه‌مالا وان”.
د رویدانا سۆتنا هۆله‌كا شه‌هیانان دا ل حه‌مدانیه به‌رى چار رۆژان، پتر ژ 105 كه‌سان گیانێ خۆ ژده‌ستدان و نزیكى 200 كه‌سێن دى بریندار بووینه.
شانده‌كێ حكومه‌تا ئیراقێ دوهى ئه‌ینیێ سه‌ره‌دانا وه‌زاره‌تا ساخله‌میێ یا هه‌رێمێ كربوو و سوپاسیا رۆلێ سازیێن ساخله‌میێ یێن هه‌رێمێ بۆ هاریكاریا بریندارێن كاره‌ساتا حه‌مدانیه كربوو.
تُتاح هذه الصورة أيضا في: کوردی
