كهڤالێن كچهكا شێوهكارا ئێزدى سهرهنجا جڤاكێ ئهلمانيا كێشايه
تۆڕا لالش:
ل دهڤهرا ئوفنرديك ل باژێرێ ئۆلدنبۆرگ پێشانگهههكا شێوهكارى يا بهرفرههـ بۆ ههژمارهكا هۆنهرمهند و شێوهكاران هاته ڤهكرن و كهڤالێن شێوهكارهكا ئێزدى سهرهنجا ئامادهبوويان كێشايه.
ل ڕۆژا 29/3/2024ێ،ب ئامادهبوونا “ئلياس يانج” سهرۆكێ مالا ئێزديان ل باژێرێ ئۆلدنبۆرگ ل وهلاتێ ئهلمانيا و “ئۆمهر رهشيد” ئهندامێ دهستهكا كارگێرى، پێشانگهههكا شێوهكارى يا بهرفرههـ بۆ 23 هۆنهرمهند و شێوهكاران دبياڤێ شێوهكارى و نێگاركێش و پهيكهرسازيێ هاته ڤهكرن،كو ههڤدهمه دگهل جهژنا قيامه يا حهزهرهتێ مهسيح(سلاڤێن خودێ لێ بن) و بۆ ماوێ چار ڕۆژان يا ڤهكرى بوو.
ژ گرنگترين كارێن دڤێ پێشانگههێ دا بووينه جيێ سهرهنجڕاكێشانا ئامادهبوويان،كارێن كچا شێوهكارا ئێزدى “لويزا شابى” خهلكا ناحيا باشيكێ كو تێدا داب و نهريت و ڕهوشهنبيرى و ئايينێ مللهتێ ئێزدى پيشاندان و دخوازت جڤاكێ وێ دهڤهرێ ژ نێزيك ڤه ئێزديان ببينن.
لويزا شابى،ل سالا 2015 كۆچبهرى وهلاتێ ئهلمانيا دبت و نۆكه ل ل باژێرێ ئۆلدنبۆرگ دژيت و خودان چهندين كارێن هۆنهرى يه ب تايبهت هۆنهرێ شێوهكارى.
تُتاح هذه الصورة أيضا في: کوردی
