گڕۆپه‌كێ خۆبه‌خش فۆلكلۆرێ ئێزديان دپارێزن
ئه‌ڤرۆ نيوز:
گرۆپەكی هونەری ل باشیك و بەحزانێ ژ هژمارەكا كوڕ و كچێن ئێزدی هاتیە پێك ئینان و كارێ وان پاراستنا فۆلكلۆری وێ دەڤەرێ یە.
هەڤال شێخ بەرەكات، بەرپرسێ وی گرۆپی، د دیدارەكێ دا بۆ رۆژناما ئەڤرۆ دیاركر كو گرۆپێ وان ژی (30) كوڕ و كچان پێك دهێت و گرنگیێ د دەنە وان جلكێن بەری نوكە خەلكێ دەڤەرێ دكرنە بەرخوە، چنكو تایبەتمەندیا خوە هەیە ئەڤ جلكێن ئێزدیان هاتینە پاراستن هەتا نوكە ژی خەلكێ باشیك و بەحزانێ بكاردئینن، لەورا گرۆپێ مە یێ خۆبەخش كار دكەت بتنی مەرەما مە پاراستنا فلكلۆری دەڤەرێ یە.
هەروەسا گۆت: نە بتنی ب ریێا گوڤەند و شەهیانان بەلكو ب ریێا پارچە زارڤەكرنان ژی ئەم فۆلكلۆری باشیك و بەحزانێ د پارێزن و نیشا گەنجان دەین داكو نەهێتە ژبیركرن، هیشتا ئەم نەچووینە چو وەلاتان لێ هەكە ئەم بهێنە داخوازكرن د بەرهەڤین بچین فۆلكلۆری خوە نیشا وان بدەین، بۆ زانین ئەو جلكێن خەلكێ باشیك و بەحزانی بكاردئینن هەتا رادەیەكێ یێ جودایە ژ جلكێن دەڤەرێن دی یێن ئێزدیان هەتا نوكە ژی ژن و زەلام ڤان جلكان بكاردئینن مە پاراستیە دا نەهێنە بەرزەكرن.
تُتاح هذه الصورة أيضا في: کوردی
