عەدنان عەلی:ڕیكلاما نۆكە یا بەرەلا و بێ تامە
تۆرا لالش:
داهێنەرەكێ چێكرنا ڕیكلامان دیاركر،دبەرێ دا ڕیكلام ل سەرهندەك بنەمایێن زانستی دهاتە چێكرن و پتریا وان كەسێن ئەڤ كارە دكر دئەكادیمی بوون،بەلێ نۆكە ئەڤ چەندە نەمایە و بوویە بەرەڵایی و هەركەس ژ نك خۆ ڕیكلامان دروست دكەت و چاڤدێری و هەلسەنگاندن ل سەرنینە و چ تام تێدا نەمایە.
عەدنان عەلی،داهێنەرێ چێكرنا ڕیكلامان بۆدەنگێ لالش خویاكر، ل ساڵا 1993 بۆ ئێكەم جار ل بەغدا دەست ب كارێ ڕیكلامێ كریە ئەوژی ل كۆمپانیا هەدیل، ژبەر ڕەوشا ئابووری یا وی دەمی من ئەڤ كارە كر، ل وی دەمی قوتابی بووم و ڕەوشا من یا ئابووری یا خراب بوو،لەوران ئەم د نەچاربووین كارەكی بكەین،هەروەسا دەرچوویێ كولیژێ مە ل بەشێ هۆنەرێن جوان ل بەغدا،بەلێ تایبەتمەندییا من یا دروست درامایە،بۆ ماوێ هەشت ساڵان ل كولیژێ بووم و من خۆ دهێلا داكو نەچمە لەشكەرییا ب زۆری یا سەدامی،چنكو ل وی دەمی هەركەسێ كولیژ ب داوی ئینابا دێ چۆبا لەشكەریا ب نەچاری، بەلێ د نۆكەژی دا نیاز یا هەیی بەردەوامیێ بدەمە خووندنا خۆ و ب چمە ماستەر و دكتۆرایێ.
دەربارەی ڕیكلاما نۆكە دئێتە كرن،عەدنانی گۆت:د ڤی سەردەمی دا ژیان هەموو یا بوویە ڕیكلام و پتریا وێ ژی ب ڕێیا سۆشیال میدیایێ یە،بەلێ مخابن هەركەسەك ژلایێ خۆڤە و ب ڕێیێن خۆ ب خۆ ڕیكلامێ دكەن، بۆ هەركارەكێ بازرگانی و كۆمپانیەكێ ڕیكلام ستوونەكا سەرەكی یە و چ كار بێی ڕیكلام ب ڕێڤەناچن، دبەرێ دا ڕیكلام ل سەرهندەك بنەمایێن زانستی دهاتە چێكرن و پتریا وان كەسێن ئەڤ كارە دكر دئەكادیمی بوون،بەلێ نۆكە ئەڤ چەندە نەمایە و بوویە بەرەڵایی و هەركەس ژ نك خۆ ڕیكلامان دروست دكەت و چاڤدێری و هەلسەنگاندن ل سەرنینە و چ تام تێدا نەمایە وەكی بەری نۆكە.
هەروەسا دیاركر،هەردوو ڕەگەز وەكی ئێك ڕۆلێ خۆ د ڕیكلامێ دا دبینن و هەردوو ژی پێتڤی نە،بەلێ سیناریۆ دخوازت كا كیژوان ڕەگەز پتر ڕۆلێ خۆ د وێ ڕیكلامێ دا ببینت، بەلێ د جڤاكێ مەیێ كوردی دا ئافرەت پتر ڕۆلێ خۆ دبینت،چنكو چاڤێ خەلكی پتر ل سەرە.
ل داویێ ژی ناڤهاتی دیاركر،هیڤیدارم كارێ ڕیكلامێ د وەلاتێ مەدا پتر سەركەفتنێ بینت و پێش بكەڤت و پتر ل دووڤ ڕێنمایێن زانستی ب ڕێڤەبچت،هەردیسان داخوازیا من ژ حكومەتێ ئەوە چاڤدێر بن و هەلسەنگاندن د ڕیكلامێ دا هەبت و بۆ ڤێ چەندێ پێتڤیە لژنەیەك ژ كەسێن ژ هەژی و شارەزایان بێنە هەلبژارتن.
تُتاح هذه الصورة أيضا في: کوردی
