فه‌قیێ ته‌یران ژبۆ مرنا جزیرى
مه‌روان داود
هۆزانا كلاسیكى یا كوردى گه‌له‌ك بابه‌تێن هه‌مه‌جۆر ب خۆڤه دگرتن ئێك ژ وان ژى (لاواندنه‌وه)بوو،لاواندنه‌وه ژى ئه‌وه ده‌مێ هۆزانڤان هۆزانا خۆ ب شێوه‌یێ پێگۆتن ڤه‌هوونت،ئه‌ڤ پێگۆتنه ژى ژ ئه‌وى كه‌سى ڕایه ئه‌وێ گیانێ خۆ ژ ده‌ست دده‌ت،ئانكو كه‌سێ چۆیه به‌ر دلۆڤانیا خودێ جیه‌كى تایبه‌ت و بلند د دلێ هۆزانڤانى دا هه‌بت،و هۆزانڤان ژى ژ پێخه‌مه‌ت ده‌ربرینا هه‌ستێ خۆ یێ خه‌مگین و دلشكه‌ستى هۆزانه‌كێ ب ئه‌وى كه‌سى ڤه ڤه‌دهوونت.
هه‌ر وه‌كو د پارچه‌كا هۆزانێ دا(فه‌قیێ ته‌یران)ب مرنا جزیرى گه‌له‌ك خه‌مبار دبت،و ئه‌و هه‌موو هه‌ستێن نه‌خۆشیێ ئه‌وێن ب مرنا جزیرى گه‌هشتینه ناخێ وى وه‌سا ده‌ربرینێ ژى دكت.
ئیرۆ وه‌رن لیزم وه‌رن
جیران و خه‌لكێ هیشه‌تێ
هون رایه‌كێ ل من بكه‌ن
ئیرۆ قه‌وى گریا مه‌تێ
ئیرۆ قه‌وى من تێت گرى
سوسن ژ مێرگا غه‌ییرین
من حه‌یفا لێڤێت شه‌كرین
ئێدى ڤه‌ناخۆن شه‌ربه‌تێ
ئه‌و لێڤێن له‌علین و شه‌كه‌ر
ل وان كێمبوونا دوڕ و خه‌به‌ر
سه‌د ئاهـ و كۆڤان و كه‌سه‌ر
هه‌فت عه‌ین و لام چوون هجره‌تێ
هه‌فت عه‌ین و لام ژ ئێك بوون جودا
حزن و گرى یا رب ته دا
ئه‌م رازینه ب ئه‌مرێ خۆدا
هه‌ر چ ژ ده‌رگه‌هێ ته تێ
هه‌ر چ دكێ ته‌وو میر دكێ
ئیرۆ شه‌را ته‌خدیر دكێ
توو خالقا ل باپیر دكێ
سۆتن بنارێ فیرقه‌تێ
سۆتن ب پێتا ئاگرى
ڤێ فه‌نیێ ئه‌م ژئێك كرین
هه‌تا خۆشبن گۆڤان مرین
رۆژ هاته چه‌خا ئاده‌تێ
هه‌تا ساخبن ئه‌م دێ گرین
وه‌ى فه‌له‌كێ بێ مرۆتێ
س.س
تُتاح هذه الصورة أيضا في: کوردی
