حوزه‌یران 12, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دیندار زێباری:ب بزاڤێن حکومەتا هەرێمێ سێ هه‌زار و 576 وه‌لاتيێن ئێزدى هاتینە ڕزگاركرن

دیندار زێباری:ب بزاڤێن حکومەتا هەرێمێ سێ هه‌زار و 576 وه‌لاتيێن ئێزدى هاتینە ڕزگاركرن

خانى نيوز:
ڕێکخەرێ ڕاسپاردا نیڤدەولەتی د وۆرکشۆپەكێ دا ل دۆر بێسەروشوینا ئاماژە ب قوربانییێن گەلێ کوردستانێ کر و گۆت، گەلێ کوردستانێ مەزنترین قوربانییێن تاوانا بێسەروشوینا بوویە د هێرشێن ئەنفال و هەلەبجە هەتا دگەهیتە تیرۆرستێن داعش.
ئەڤرۆ ڕۆژا چارشەمبی، دیندار زێباری، ڕێکخەرێ ڕاسپاردا نیڤدەولەتی پشكداری د وۆرکشۆپەكێ دا كر ل دۆر کەیسێ بێسەروشوینان كو ژ لای لژنا نیڤدەولەتییا بێسەروشوینا(ICMP) هاتبوو ڕێكخستن.

د هەمان دەمدا، دیندار زێباری ئاماژە ب هندێ كر، كو حكومەتا هەرێما كوردستانێ گەلەك گرنگییێ ب بابەتێ بێسەروشوینا دایە ژ دەركرنا یاسایا و هاریكرنا كەسوكارێن قوربانییان و پێكئینانا لژنەیا بلند بۆ جینۆساید ناساندنا تاوانێن داعش و ڕزگاركرنا ڕەڤاندییان و ب دكیۆمێتكرنا تاوانێن داعش.

زێباری دیاركر ژی، داعش پێشتر هزاران وەلاتییێن ئێزدی ڕەڤاندینە كو ژمارا وان شەش هزار و 417 کەس بوون و پتریا وان ژن و زارۆك بوون، ئاشکرا ژی كر، ب بزاڤێن حکومەتا هەرێمێ هەتا هەیڤا دوو یا سالا 2024ـێ، سێ هزار و 576 کەس هاتینە ڕزگاركرن، ژوان هزار و 208 ژن، 339 زەلام، هزار و 70 كچ و 959 كۆر.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi