قەرێن کارەبا کەمپان ژ 30 ملیار دیناران دەرباز دبن و پێدڤییە حکومەتا عیراقێ بدەت
گاڤ:
قەرێن کارەبا کەمپێن ئاوارەیان ل دهۆکێ و زاخۆ گەهشتینە 30 ملیار دیناران و حکومەتا ئیراقێ بەرسڤا نڤیسارێن هەرێمێ نادەت.
پیر دەیان جەعفەر، رێڤەبەرێ رێڤەبەرییا کۆچ و کۆچبەر و بەرسڤدانا قەیرانان ل پارێزگەها دهۆکێ بۆ گاڤ گۆت: قەرێن کارەبێ یێن کەفتینە سەر کەمپێن ئاوارەیان ل پارێزگەها دهۆکێ و ئیدارەیا سەربەخۆ یا زاخۆ گەهشتینە 30 ملیار دیناران، وان ب نڤیسارەکا فەرمی داخواز ژ رێڤەبەرییا کۆچبەران یا سەر ب ئیراقێ ڤە کرییە داخواز ژ حکومەتا ئیراقێ بکەت وان قەران بدەتە هەرێما کوردستانێ، لێ تا نوکە بەرسڤا نڤیسارا وان نەهاتییە دان.
پیر دەیان جەعفەر هەروەسا دبێژیت: پێشتر قەرێن کارەبا کەمپان گەهشتبوونە 80 ملیار دیناران، لێ حکومەتا ئیراقێ هندەک ژ وان قەران داینە وەزارەتا کارەبێ یا هەرێما کوردستانێ و نوکە نێزیکی 30 ملیار دیناران قەر ماینە.
تُتاح هذه الصورة أيضا في: کوردی
