ئێلا هەوێریا بريارێن نوو بۆ رێك وپێکرنا خێر و شەرا دهرخستن
تۆڕا لالش:![](https://www.lalishduhok.com/wp-content/uploads/2024/01/414480917_913817873440224_4835723999754013473_n-300x169.jpg)
![](https://www.lalishduhok.com/wp-content/uploads/2024/01/414480917_913817873440224_4835723999754013473_n-300x169.jpg)
ل رۆژا ئێك شەمبوويێ 31/12/2023ێ ههژمارەکا کەساتی و ریسپی و ماقوول و گەنجێن ئێلا ( عەشیرا) هەوێریا ل ئەلمانیا جڤینەکا مەزن ل هۆلا هەلکەفتان ل مالا ئێزدیان بیلیفیلد ل دارخستن.
دڤێ جڤینێ دا چەندیین تەوەرێن گرنگ گرێدایی ژیانا کۆمەلایەتیا ئێلا هەوێریان ڤە هاتنە نقاشکرن داکو پتر بکارن دگەل سەردەم ل ئەلمانیا بگونجن و دهەمان دەمدا داب و نەریتێن خوە بپارێزن و کار و بارێ کۆمەلایەتی رێک بکن،پشتی دەمەکێ درێژ دان وستاندن هاتینە کرن ئامادەبوویان بریار ل سەر ڤان خالێن ل خوارێ دان:
١- خێر و شەر:
* دەما کەسەک ل ئەلمانیا ئەمرێ خودێ بکەت تەنێ رۆژەک تا دوو رۆژا خێر تێتە گێران
* زادێ خێرێ تەنێ سمات ( دانکوت) و مریشک رێ پێدایە.
* سەندۆقا خێرێ ل هەمی تازیا دڤێت بێتە دانین.
* چل رۆژیا مری و سالا وی تەنێ دچارچۆڤێ مالباتێ و گوندیان دە دڤێت خێر بێتە کرن.
* ئەگەر کەسەک ل وەلات ئەمرێ خودێ کر ل ئەلمانیا تەنێ یەک رۆژ خێرا مری تێتە گێران و سەندۆقا خێرێ ناهێتە دانین.
*
٢- شاهی و داوەت:
• ل شاهی و داوەتێن هەوێریا ل ئەلمانیا ب هیچ شێوەیەکی نابت ڤەخوارنێن ( کحولی) ژبال خوەدیێ داوەتێ ڤە بێتە د هۆلا داوەتێ ل رۆژا شەهیانێ.
• راچاڤکرنا بارێ ژیانێ ل ئەلمانیا و بەلاڤکرنا داخوازناما و دەعوەتێن شەهیانا بکەڤیتە دچارچۆڤەکی سەردەمی دا.
• ژبال خودانێ شاهی و داوەتێ ڤە تێما بەرێزا ( موزیک و کامیرەڤانا ) ئاگەهداری لایڤ و سوشیال میدیا و حورمەت و سەقایێ مالباتا دواەتێ وئامادەبوویان بێتە گرتن .
• ب هیچ شێوەیەکی ل شاهیا سونەتکرنێ کارتێن داخوازناما ناهێنە بەلاڤکرن، تەنێ ل چارچۆڤێ مالباتی و گوندیان دە گرێدایی بە.
• ل رۆژا شاهیانێ دڤێت خوەدیێ داوەتێ کۆما مۆزیکێ ئاگەهدار بکە کو هایدارێ دانا شاباش و دیاریان بە و بێنە سنوردار کرن داکو سەقایی خوەشی و شاهی تێک نەچە.
ئەڤ خالێن هاتینە پەسەند کرن دڤێت کەساتی و سەرۆک مالبات و گەنجێن هەوێریا پێگیر بن و بەروڤاژی ڤێ یەکێ هەر کەس ئازادە وێ داوەتێ یان تازیێ بجی بهێلت دگەل رێز گرتنێ .
ل داویێ دەربارەی هەردوو تەوەران هیڤی هاتە خوەستن پێگیری ب یاسایێن وەلاتێ ئەلمانیا بن .
![](https://www.lalishduhok.com/wp-content/uploads/2024/01/414469289_913817830106895_5551448129519941905_n-300x169.jpg)
![](https://www.lalishduhok.com/wp-content/uploads/2024/01/414471421_913817823440229_335248928523791419_n-300x169.jpg)
![](https://www.lalishduhok.com/wp-content/uploads/2024/01/414485376_913817866773558_3014435335975961149_n-300x169.jpg)
![](https://www.lalishduhok.com/wp-content/uploads/2024/01/414497547_913817856773559_6058462414714465482_n-300x225.jpg)
تُتاح هذه الصورة أيضا في: کوردی