دوو وەشانێن بنگەهێ لالش هاتنه ئيمزاكرن و به‌لاڤكرن
تۆڕا لالش/دهۆك
دڕێوره‌سمه‌كێ دا ل ڕۆژا چار شەمبوويێ 22چریا دووێ 2023ێ،ل دەمژمێر 10ـێ سبه‌يكێ ل هۆلا بەدلیسی ل ئاڤاهییا پشکا مێژوویێ ل کولیژا زانستێن مرۆڤایەتی ل زانکۆیا دهۆکێ،دوو وه‌شانێن نوو يێن بنگه‌هێ لالش هاتنه ئيمزاكرن و به‌لاڤكرن.
بنگەهێ لالش ل دهۆكێ یێ ڕەوشەنبیری و كۆمه‌ڵايه‌تى ل دهۆكێ ب هه‌ڤكارى دگه‌ل پشکا مێژوو ل کولیژا زانستێن مرۆڤایەتی ل زانكۆيا دهۆكێ،ڕێوره‌سمێن ئيمزاكرنا بەرهەمێ نڤیسەر “حه‌جى قاسم خضر” ل ژێر ناڤ ونیشانێن ( جليلي جليل …دوره الثقافي وجهوده في مجال الكوردولوجيا) وبەرهەمێ نڤیسەر “داود موراد خه‌تاری”کو بەرگەکە ژ سێ بەشان پێکهاتیە سەبارەت ڤەکۆلینێن ئەورۆپیا ل سەر ئێزدیان ل ژێر ناڤ ونیشانێن(اقدم وثيقة اوربية عن الايزديين،هنري لایارد والايزيدية،الايزيديون في كتاب النساطرة)،ب ئاماده‌بوونا نوونه‌رێ پارێزگارێ دهۆكێ و هه‌ژماره‌كا كه‌سايه‌تى و ئه‌ندامێن ده‌سته‌يا بلند و ڕه‌وشه‌نبيران و قوتابيان گێڕان.
ل ده‌ستپيكێ به‌رێزان “پ.هـ.د.سه‌عيد خودێدا” ڕاگرێ کولیژآ زانستێن مرۆڤایەتی و “سه‌عيد جردۆ” سه‌رۆكێ ده‌سته‌يا بلندا بنگه‌هێ لالش يێ ڕەوشەنبیری و كۆمه‌ڵايه‌تى ل دهۆكێ په‌يڤه‌ك پێشكێشكرن و تێدا ب خێرهاتنا ئاماده‌بوويان كرن و ده‌ستخۆشى ل هه‌ردوو نڤيسه‌ران و سوپاسيا حكومه‌تا هه‌رێما كوردستانێ كرن بۆ پشته‌ڤانيا به‌رده‌واما پێشكێشى بنگه‌هێ لالش دكه‌ت.
ل پێرا هه‌ردوو نڤيسه‌ران ب دڕێژى ناڤه‌رۆكا په‌رتۆكێن خوه بۆ ئاماده‌بوويان دا شلۆڤه‌كرن و ناساندن.
ل داويا چالاكيێ هه‌ردوو په‌رتۆك ل سه‌ر ئاماده‌بوويان دا هاتنه به‌لاڤكرن.
تُتاح هذه الصورة أيضا في: کوردی
