شوبات 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سالڤه‌گه‌ڕا دامه‌زراندنا بنگەهێ لالش تايێ باعەدرێ ب چه‌ندين چالاكيان هاته‌ ساخکرن

سالڤه‌گه‌ڕا دامه‌زراندنا بنگەهێ لالش تايێ باعەدرێ ب چه‌ندين چالاكيان هاته‌ ساخکرن

سه‌عيد جردۆ: ڕۆل و کەد و خزمەتا بنگەهێ لالش تايێ باعەدرێ د درێژاهیا سالێن بۆری دا تا ئیرۆ ڕۆژ بەرز و بلند دنرخينين

تۆرا لالش:

ب هەلکەفتا سالیادا دامەزراندنا بنگەهێ لالش تایێ باعەدرێ و و دەربازبوونا 18 سالێن خزمەتا دەڤەرا وو گوهۆرینا کەش و هەوایی و نێزیکرنا گەنجان و لاوان،بنگەهێ لالش تایێ باعەدرێ بەریکانەکا زانستی و ڕەوشه‌نبیری بۆ چەندین گەنج و لاوێن دەڤەرێ ئەنجامدا.

ب ئامادەبوونا به‌رێز “سه‌عيد جردۆ” سەرۆکێ دەستەیا بلندا بنگەهێ لالش و “خه‌له‌ف ئلياس”ئەندامێ دەستەیا بلند،بنگەهێ لالش تایێ باعەدرێ بەریکانەکا زانستی و ڕەوشه‌نبیری بۆ نێزیکی 30 پشکداربوويان گێڕا،ل دەستپێکێ بەرپرسێ بنگەهێ لالش تایێ باعەدرێ خه‌لات باعەدری بخێرهاتنا تەڤایا ئامادەبوویان کر و سالڕۆژا دامەزراندنا بنگەهێ لالش تایێ باعەدرێ ل تەڤایا ئامادەبوویان و خەلکێ باعەدرێ پیرۆزکر و دا خویاکرن كو مەرەم ژ ڕۆژێن هۆسا خرڤەبوون و گوهۆرینا کەش و هەوایێ وەیە و دا زانین کو ب دیتنا مە هوون هەموو سەرکەفتی نە ل ڤێ چالاکیێ.

ژلايه‌كێ دى ڤه‌ سەرۆکێ دەستەیا بلندا بنگەهێ لالش “سه‌عيد جردۆ” د پەیڤەکا جوان و بالکێش دا سالیادا دامەزراندنا بنگەهێ لالش تایێ باعەدرێ ل خەلکێ باعەدرێ و دەستەیا رێڤەبەر و ئەندامێن بنگەهێ لالش باعەدرێ پيرۆزکر، پاشی ڕۆل و کەد و خزمەتا بنگەهێ لالش باعەدرێ د درێژاهیا سالێن بۆری دا تا ئیرۆ ڕۆژ بەرز و بلند نرخاند دقادا ڕەوشەنبیری و جڤاکی دا، زێدەباری چەندین گۆتنێن دیترێن بەها دەرحەقێ ڤێ ڕۆژێ ئینان زمان.
ل دووڤدا ڕێورەسمێن بەریکانێ ب رێڤەچوون و هەڤركيێ دناڤبەرا ئامادەبوویان دا دەستپێکر ل سەر بدەستڤەئینانا سەرکەفتنێ و كه‌سێن پشكدار ب سەر 9 گرۆپان دا هاتنە دابه‌شكرن.

د ئەنجامدا ئەڤان گرۆپێن ل خوارێ سەرکەفتن بدەستڤە ئینا و پیرۆزباهی ل وان هاتە کرن(1هیجران ژ ئێسیا،2 گرۆپێ مامۆستا فارس ژ باعەدرێ،3 گرۆپێ هەژار قوتابیێن باعەدرێ).

ل داویێ هەموو سەرکەفتی هاتنە خەلاتکرن ب دیاریێن بنگەهێ لالش تایێ باعەدرێ دکەش و هەوایەکی دلڤەکر و دلخۆشکەر دا.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi