100خێزانێن مه‌سیحى و ئێكا ئێزدى ڤه‌گه‌ریاینه قه‌زا تلكێفێ
تۆڕا لالش یا راگه‌هاندنێ :ده‌رمان باعه‌درى
پشتى ئازادكرنا قه‌زا تلكێفێ ژ ده‌ستێن داعش،هه‌تا نۆكه كێمتر ژ 100 خێزانێن مه‌سیحى و خێزانه‌كا ئێزدى ڤه‌گه‌ریاینه ده‌ڤه‌رێ.
دڤى وارى دا قایممقامێ قه‌زا تلكێفێ باسم بلو،بۆ ده‌نگێ لالش گۆت:قه‌زا تلكێفێ ئێكه ژ وان قه‌زایێن جیێ پێكهاتێن ئۆلى كو نێزیكى 1500 خێزانێن مه‌سیحى لێ دئاكنجى بوون،ل ده‌مێ هێرشا رێكخراوا داعش مه‌سیحیان ئه‌و ده‌ڤه‌ر چۆلكرن و پشتى ئازادكرنا وێ هه‌تا نۆكه كێمتر ژ 100 خێزانان ڤه‌گه‌ریاینه ڤه،ژبه‌ركو قه‌ره‌بووكرن نینه و هنده‌ك ل هه‌رێما كوردستانێ ماینه و هنده‌ك ژى چۆینه ژ ده‌رڤه‌ى وه‌لاتى.
ژئالیه‌كێ دى ڤه ئه‌بو سه‌معان،وه‌لاتیه‌كێ ئێزدى ئاكنجیێ قه‌زا تلكێفێ بۆ ده‌نگێ لالش دبێژت:به‌ریا داعش هێرشى قه‌زا تلكێفێ بكه‌ت نێزیكى 25خێزانێن ئێزدى ل سه‌نته‌رێ قه‌زایێ دئاكنجى بوون،لێ پشتى هێرشا هۆڤ و دره‌نده‌یێن داعش ڤان خێزانێن ئێزدى ئه‌و ده‌ڤه‌ر چۆلكر و هه‌تا نۆكه دگه‌ل خێزانا خۆ ڤه‌نه‌گه‌ریایمه و بتنێ ئێك خێزانا ئێزدى ڤه‌گه‌ریایه ڤه.
قه‌زا تلكێف دكه‌فته ئالیێ باكوورێ مووسل ب دووراتیا نێزیكى 10 كم ل سنوورێ ده‌شتا نه‌ینه‌وا.
س.س
تُتاح هذه الصورة أيضا في: کوردی
