دوو نه‌خۆشخانه ل شنگال دێ ئێنه ئاڤاكرن
تۆرا لالش یا راگه‌هاندنێ /رائد غانم
ب مه‌ره‌ما پێشخستنا كه‌رتێ ساخله‌میێ ل ده‌ڤه‌رێ،ب گوژمێ 128 ملیار دیناران ره‌زامه‌ندى ل سه‌ر ئاڤاكرنا دوو نه‌خۆشخانه‌یان ل شنگال و ناحیا سنوونێ هاته دان،زێده‌بارى هژماره‌كا پرۆژه‌یێن دى یێن خزمه‌تگۆزارى دێ ئێنه ئه‌نجام دان.
د.ماجد شنگالى،ئه‌ندامێ جڤاتا نوونه‌رێن عێراقێ ل سه‌ر فراكسیونا پارتى دیموكراتى كوردستان بۆ ده‌نگێ لالش دیاركر،ئاڤاكرنا نه‌خۆشخانا شنگال بوویه پرۆژه‌ك ژ بوودجه‌یا ئاساییشا خۆراكى و ب گوژمێ 77 ملیار دیناران نه‌خۆشخانه‌یه‌كا 100 ته‌ختى دێ ئێته ئاڤاكرن و رازمه‌ندى ل سه‌ر هاتیه كرن،زێده‌بارى ئاڤاكرنا نه‌خۆشخانه‌یه‌كا 50 ته‌ختى بۆ ناحیا سنوونێ ب گوژمێ 51 ملیار دیناران،كو ئه‌ڤ هه‌ر دوو نه‌خۆشخانه دێ بنه دوو پرۆژێن گرنگ بۆ ده‌ڤه‌را شنگالێ و پێشخستنا كه‌رتێ ساخله‌میێ.
ئاشكه‌راكر ژى ژ پشكا بودجه‌یا شنگال ژ ئاسایشا خوراكى، رێیا قه‌زا شنگال تا دگه‌هته قه‌زا به‌عاج و رێیا شنگال تاكو زالگه‌ها ئوم ئه‌لشبابیت دێ ئێنه قیركرن و چێكرن ئه‌و ژى ژبۆ خزمه‌تا وه‌لاتیێن شنگالێ، زێده‌بارى چێكرنا هژماره‌كا جاده‌یێن ناڤخۆ یێن ناحیا سنوونێ و سه‌نته‌رێ قه‌زا شنگال و ناحیا گرعزێر،ل ده‌مه‌كێ نێزیك ئه‌ڤ پرۆژه‌نه دێ كه‌ڤنه د وارێ بجهئینانێ دا و رازه‌مه‌ندى ژى ل سه‌ر هاتیه وه‌رگرتن.
د.ماجد شنگالى خویاكر ژى هژماره‌كا بنگه‌هێن ساخله‌میێ دێ ئێنه نووژه‌نكرن ل سه‌رتاسه‌رى ده‌ڤه‌را شنگال،د هه‌مان ده‌مدا هنده‌ك هۆلێن هه‌لكه‌فتان ژى ئێنه ئاڤاكرن و نووژه‌نكرن،دیسان د پلانا وان دایه پرۆژێ ئاڤێ ژى بگه‌هیننه شنگالێ داكو خه‌لكێ شنگالێ مفایى ژێ وه‌رگرن،نه‌خاسمه ژى جۆتیارێن ده‌ڤه‌رێ ،ژبه‌ركو ده‌ڤه‌را شنگال بتر ل سه‌ر جۆتیاریێ یا ئاڤایه.
س.س
تُتاح هذه الصورة أيضا في: کوردی
