باژێرڤانیا خانكێ:كێشا بێهنا نه‌خۆش دێ ئێته چاره‌سه‌ركرن
تۆرا لالش یا راگه‌هاندنێ :سه‌باح سمێر
ل رۆژئاڤایێ ناحیا خانكێ بێهنه‌كا نه‌خۆش ماوێ چه‌ندین رۆژانه بسه‌ر ده‌ڤه‌رێ دا به‌لاڤبوویه و بوویه جیێ گله و گازنده‌یا خه‌لكێ ده‌ڤه‌رێ،سه‌رۆكاتیا باژێرڤانیا خانكێ ژى دیاركر كو ژێده‌رێ وێ بێهنا نه‌خۆش هاتیه دیتن و ل نێزیك ئه‌ڤ كێشه دێ ئێته چاره‌سه‌ركرن.
ئه‌ندازیار خێرى جه‌عفه‌ر،سه‌رۆكێ باژێرڤانیا خانكێ بۆ ده‌نگێ لالش ئاشكه‌راكر،پشتى مه دووڤچۆن ل دۆر ژێده‌رێ بێهنا نه‌خۆش كرى دیاربوو هنده‌ك جۆتیاران ل سنوورێ ناحیا خانكێ ب بارهه‌لگران به‌رمایكێن كێلگه‌هێن ب خودانكرنا مریشكان وه‌ك په‌ین بكاردئینن و ل ناڤ زه‌ڤیێن چاندنێ وه‌ردكه‌ن و ئه‌ڤ چه‌نده بوویه سه‌ده‌مێ بێهنه‌كا نه‌خۆش بسه‌ر ده‌ڤه‌رێ دا بێ، پشتى مه په‌یوه‌ندى ب رێڤه‌به‌ریا ده‌واجنا كرى داخوازیا مه ل به‌ر چاڤ وه‌رگرتن رابوون ب كارێ گهۆرینا پرۆگرامێ كارێ خۆ.
گۆتژى گرێبه‌سته‌ك ژلایێ كۆمپانیه‌كێ ڤه هاتیه ئیمزاكرن،كو ئه‌و به‌رمایكێن كێلگه‌هێن مریشكان بێنه بكارئینان بۆ ئالیكێ ته‌رش و كه‌والى و ل ده‌مه‌كێ نێزیك ئه‌ڤ كێشه ب ئێكجارى دێ ئێته چاره‌سه‌ركرن.
س.س
تُتاح هذه الصورة أيضا في: کوردی
