February 02, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Wezîrê Ewqaf: Em rê nadin di bin navê ol de hizrên siyasî bên cîhbicîh kirin

Wezîrê Ewqaf: Em rê nadin di bin navê ol de hizrên siyasî bên cîhbicîh kirin

BasNews – Li Wezareta Ewqaf semînerek bi navê ‘’Gotara olî ya di navbera duh û îro de’’ birêve çû û Wezîrê Ewqaf û karûbarên Olî gotarek pêşkeş kir û balkêşa ser wan kesên ku bi rêya olê ve hewl didin felsefe û hizrên xwe yên taybet ên siyasî li ser civakê bisepînin.

Îro 18.12.2022yê di semînera li Wezareta Ewqaf de Wezîrê Ewqaf û Karûbarên Olî Piştîwan Sadiq ragehand: ‘’Ol gelek ji wê mezintire ku hin kes tên û xwe dikin wek bilêvkirina rastiyên olî û hewl didin hin tişta li ser civakê ferz dikin û bi navê parastina çanda malbat û çanda kurdî. Lê di rastiyê de çanda kurdî, ol û malbat xwediyên xwe hene û xwediyên wê Yekitiya Zanayan û Zanayên mezin, hikûmet û em hemû xwediyên wê ne.’’

Piştîwan Sadiq got: ‘’Eger kesek wisa dizane ku mijarek pêwendiya wê bi têkdana malbat û civakê ve heye, wê demê pêwîste bi rêya xwe bixwe û partiya xwe ve berê xwe nedin hizra belav kirina tundiyê, di cîha wê de bila li gel Yekitiya Zanayan rûnên ku ew amadene berevaniyê li çanda îslamê û civakê û malbatê jî bikin.’’

Herwaha diyar kir, Wezareta Ewqaf bixwe xwe wek parêzerê îslam û pêkvejiyanê dizane. Lê ger hin kes bi navê olê bixwazin hizra xwe ya taybet li ser xelkê bisepînin, ku xwedê girawî dixwazin pêkhateya malbat û civakê rast bikin, lê berevajî wê pêkhateya malbat û pêkvejiyana civakê têk didin û ji ber wê jî pêwîste rê li wan bê girtin. Ji ber civaka kurdî civakekî xwedî çande û bi salane ji aliyê niştimanî û exlaqî û çandî ve parastina wê çanda xwe ya xweşik kiriye.

Wezîrê Ewqaf got: ‘’Em wekî hikûmeta Herêma Kurdistanê piştrastî didin hemû aliyekî ku rê ji wan kesan re nadin di bin navê ola îslamê de bên û xwe bikin parêzvanê ola îslamê, lê bin ve jî armancên xwe yên taybet ên îslama siyasî cîhbicîh dikin. Ji ber wê jî pêwîste eger kêmasî û ji rêderketinek jî hebe divê bi rêya yasa û saziyên fermî ve hewla rastkirina wê bê dayîn. Ne ku herkesek bêt û bi rêya hizr û îdeolojiya xwe ve hewl bide civakê ber bi aliyekî ve bibe.’’

 

00CH

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi