Ji Pêşkêşvanîyê bo karsazîyê – Keça kurd kargeha dirûtina Cilûbergên leşkerî damezrand

BasNews

Keçeka pêşkêşvana televîzyonê ku berê di dezgeheka ragehandinê de kar kiriye, piştî ku dest ji karê pêşkêşvaniyê dikêşe, otomobîla xwe ya taybet difroşe û kargeheka dirtûtina cilûbergên leşkerî dadimezrîne, bi ser de jî derfetên kar jibo 18 keç û xortan direxsîne.

Zirêbar Muxtar Ebdula ku bi navê Zêrêbar Hewramî dihêt nasîn, ji Basê re peyivî û diyar kir: Hertim aşopeka min ya karekê ciyawaz hebû, loma min dest ji karê ragehandinîyê berda û dest bi vî karî kir; karê ku di hizra min de hem sûd digehîje min hem digehîje niştîmanê min. Bavê min pêşniyaza vekirina kargeheka amadekirina cilûbergên leşkerî ji min re kir. Lê ev kar ne sanahî bû; jibo amadekirina projeya xwe ez sê mehan bi ser hev de xebitîm. Bêguman diviya ez dest ji hindek tiştina berdim, lewre min hin tişt ji dest dan. Lê di tîrmeha sala borî de projeya me kete kar û em gihîştin qonaxa hilberînê.