‏Jibo hevgrtina dinavbera Êzidîa û brayên Ermen da

‏Jibo hevgrtina dinavbera Êzidîa û brayên Ermen da

Parêzer: Nêçîrvan Şêx Şamo

Weku diyar ku hoza hewêrya êk ji hozên resen yên Kurdên Êzidî ye, û heta sala 1944ê li bakurê Kurdistanê devera Silopya akincîbûn, ku jiyana koçeryê li deşt û zozana û xudankirina terş û tewalî ve derbazkirin mîna hozên dîtir yên Kurdistanê.

Û bi helkefta borîna 106 salan liser komkujya brayên Ermen, min wesan hizir kir ku êk ji rastyên dîrokî yên ku di wî serdemî da rûdayn wekî mînakek li hev hatin û lêborîn û pêkvejyanê li navbera Ermenan û Kurdên Êzidî da li bîrbînm û bînme ziman.

Weku hatye gotin û ligorey ewa bab û kalên me behskrî ku li sala 1915ê li dema komkujya brayên Ermenî,li paîza wê salê hîngê keryên pazê Hewêrya (chobu berwa)li çiyayê Cudî, ku 13kesên Ermenî dinav keryên pezî yên malbata me (xêzana Şêx Gebo)Şêxên Hewêrya da di hatine parastin li şevê nan û şîr ligel Şivanan dixwarn û li rojê li Şkeftan da xo vedşartin, wesan man heta operasyonên qrkirinê kêmbûyn.

Li gorey gotina bab û kalên me berya komkujyê jî wan Ermenyan berê‌ xo didan zozana û li heman deverên ku bab û kalên me lêdman ewjî lê dibûn û konên wan hergav li binya Çiyayê‌ Cudî bûn, wana bi Ermenî digotê(Bazamî) li dora(Hesana)bicyî bûn û cihê wan yê resen bû, ev Ermenyê ji fermanê filtî dinav meda man heta em çoyne Başûrê‌ Kurdistanê‌ û Îraqê‌,û eve jî navên hindek ji wan xêzanaye yên xwegirtî û parastî mayî dinav hoza Hewêrya da:

1-Xerîbê Kisbu û kurê‌ wî Hisên

2-Xerîbê Burtu

3-Reşu Kuru û kurên wî Buxuz û Sîsu

4-ÎsIfê Vartu û Dawdê Fartu

Ev hemî ewbûn yên ji komkujyê‌ qurtalbûyn û dinav me da dijyan, û digot baş li bîra meye dema Ermenya mîna Hewêryan sund û bawerya wan bi (Xudanê Şêx Gebo) û (Stûna Şêx Mend)bû.

Mîna gotinên bapîr û dapîrên me, hindek jivan malbatên Ermenî li wî demî ligel hindek malbatên Hewêrya êk mal û hal bûn û libin êk reşkonî da dijyan ,weku mala(Hirço) û mala(Xerîbê Kespo) heta sala 1940ê mîna bira jêk cuda bûn, û Ermenî mîna me koçer û xudanên terş û tewalî bûn,û kesanên pîşekar bûn digotinê (Kurnc) anku (Liva berxa dijenîn bo çêkirina kulava)çunke li wî serdemî cîrax û seraxên runştin û razanê kulav bûn.

Ev çîroka henê yek bû jimînakên mirovdostî û ciwamêrya Êzidya li serdemekî sextê lêqewmîn û qrkirina Ermena.

Bi vê bîrhatina tracîdî derfet dibînm bang li wan xêzanên Ermenî yên navhatî bikem ewên kû heta niha çi ji şunwar û cîwarê wan yê nizanin û diunda, bihîvî ne rojek bê ev peywendya dîrokî sax bibe.

E-Mail: Nechirvan.sh.shaamo@gmail.com