March 04, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

Ji ber barîna baranê gelek xaniyên xelkê Şingalê hilweşiyan

Ji ber barîna baranê gelek xaniyên xelkê Şingalê hilweşiyan

Qaymeqamê qeza Şingalê ragehand, ji ber barîna baran û lehiyê gelek xaniyên xelkê Şingalê hilweşiyan û rêjeya wêraniya Şingalê ji sala 2014ê ve heta naha gelek zêde bûye.

Qaymeqemê qeza Şingal Nayif Seydo ji BasNewsê re ragehand: ‘’Li Şingalê ew xaniyên sala 2014ê de terorîstên DAIŞê hilneweşandibûn, ji ber barîna baran û rabûna lehiyê hilweşiyan. Ji ber piraniya xaniyên xelkê Şingalê ji ax û herriyê hatine çêkirin û ev 8 sale vala ne û nehatine nûjen kirin.’’

Herwaha diyar kir: ‘’Koçber heta naha nikarin vegerin, xaniyên wan wêran bûne, bendewarî dihate kirin di heyama 6 mehên îsal de hikûmeta federal a Iraqê koçberan vegerîne Şingalê. Lê ev çar mehe ji sala 2023yê derbas bûn, hîn hikûmeta Iraqê ti pêngavek neavêtiye û grubên çekdar di nav Şingalê de mane û koçber ji rewşa Şingalê piştrast nînin ku vegerin.’’

Nayif Seydo diyar kir: ‘’Hin gund li Şingalê hene beşa piraniya xaniyên wê wêran bûne û sal bi sal jî rêjeya wêraniya xaniyan zêde dibe, ji ber piraniya xaniyan bi herrî û axê hatine çêkirin, ji ber wê jî nikarin xwe ragirin û hildiweşin.’’

Qaymeqamê Şingalê got: ‘’Gelek sedemên nevegera koçberên Şingalê hene, derveyî xanî herrî ne û ji ber barîna baranê hilweşiyane, hikûmeta federal a Iraqê xelkê ziyandîtiyê Şingalê qerebû nekiriye û xaniyên wan nûjen nekirine.’’

Herwaha aşkera kir: ‘’Hîn li hin cîh û deverên Şingalê paşmayên karên terorîstên DAIŞê mane û mîn û teqemenî nehatine paqij kirin, me gelek caran daxwaz kirine hemû Şingalê li mîn û teqemeniyên terorîstan nehatine paqij kirin, lê heta naha li hin cîha ew kar nehatine kirin.’’

ch

تُتاح هذه الصورة أيضا في: Kurdî

Related posts

Leave a Reply

Your email address will not be published. Required fields are marked *

Copyright © 2021 by Lalish Media Network .   Developed by Ayman qaidi