دلپیسی یا هەڤژینیێ
عزەت برۆ 
دلپیسی ئاریشەكا دەروونی یە ژ ئەنجامێ گۆمان و دوو دلیێ دناڤبەرا هەڤژینان دا (ژن و مێران) دا پەیدا دبت،دوو جۆرێن دلپیسیێ هەنە ، ئیك یە واقعی یە بنەمایێ تایبەتێ خۆ هەنە بەلێ پشتی ئەو گۆمان و دوولی یە نەمینت ئەو هەڤژین دزڤرنە سەر ژیانا خۆ یا ئاسایی بەلێ جۆرێ دووێ یا ئەم ل ڤێدەرێ بەحس دكن چ بنەمایێن واقعی و لوژیكی نینن،بتنێ ژ ئەنجامێن هندەك گۆمان و خەیال و هزرێن نەیێن دروست پەیدا دبن،بۆچی دلپیسی ل نك هندەك كەسا هەیە و ئەگەرێن پەیدابوونا وێ چنە ،ل قۆناغا زارۆكینیێ هندەك جاران شێوازێ پەروەردەكرنا دەیك و بابا یا نە دروست گرفتا بۆ زارۆكان دروست دكت و هەتا مەزن دبن هەر ژ بەر وان گرفتا دنالینت وەك نازداركرنا زارۆكا،دەمێ زارۆك ب نازداری دئێتە پەروەردەكرن هەر ل وی دەمی تۆڤێ گۆمان و دوو دلیێ و بێ باوەری بخۆبوونێ د ناخێ وی دا دئێتە چاندن و دبتە خودان كەساتیەكا لاواز و نكارت پشتبەستنێ لسەر خۆ بكت و ل دەمێ ژنئینانێ یان شووكرنێ چاڤێ وی دێ ل هندێ بت كێماسیەكا كچك ببینت داكو بكەتە ئەگەر بۆ دلپیسیا هەڤژینیێ،هەروەسا هنەك جاران هەلبژارتنا هەڤژینان هەر ل بنەرەت دا یە خەلەتە هەڤسەنگی دناڤبەرا وان دا نینە ژ ئالیێ لەشی و جڤاكی و رەوشەنبیری و ئابووری و تەمەنی ڤە،و ئەڤ چەندە ژی دبتە ئەگەرێ گۆمانێ و هەستكرن ب كێماسیێ ژبەر وێ جێوازیا دناڤبەرا وان دا،هەردیسان ئەزموون و رابوریێ خراب ئێك ژ وان هەڤژینان رابوریەكی نا شەرعی و گۆماناوی ل بوارێ سكسی دا هەبت ب تایبەتی زەلام هندەك جاران ئەڤ ئەزموون و رابوریێ نە شەرعی گۆمان و دلپیسیێ بۆ وی كەسی دروست دكت بەرامبەر رەگەزێ مێ،ژنێ ل دەمەكی دەرەنگ دئینت و ئەگەر ژن ئینا هەر ئەو دێ دلپیسیێ و گۆمانێ ژ هەڤژینا خۆ دكت،ئەڤ چەندە ژی چارەنڤیسێ خێزانێ و زارۆكان دكەتە مەترسیەكا مەزن دا بێ هیچ بنەمایەكی واقعی هەبت،هەروەسا ئەگەرەكی دی یێ دلپیسیێ ب زۆری ژنئینان یان شووكرن،هندەك ژ وان كەسێن ب زۆری ژیانا هەڤژینیێ و نە ل پێ حەزێن خۆ پێكئینایی دوور نینە د ژیانا هەڤژینیێ دا یێ سەركەفتی نەبن و بەردەوام ئاریشە و ناكۆكی دناڤبەرا وان دا پەیدا دبن،ژبەر ڤێ چەندێ ئێك ژ وان دكەفتە گۆمان و دلپیسیا هەڤژینیێ دا،داكو زارۆك و هەڤژین تووشی ڤان جۆرە ئاریشا نەبن بكارن خێزانەكا بەختەوەر ئاڤا بكن پێتڤیە دەزگەهێن جڤاكی و راگەهاندن و رێكخراوێن مافێ مرۆڤی كار بكن بۆ هشیاركرنا خەلكی و دووركرن ژ گۆمان و دلپیسیێ.
تُتاح هذه الصورة أيضا في: کوردی
