كورد وئاوارەبوون
خالد ئەحمد بادی 
ل كەمپا موشێ نێزیكی (9) نەه هەزار كەسا بوون ول كەمپا دیاربەكر نێزیكی (12) دوازدە هەزار كەسا بوون ول كەمپا مێردینێ نێزیكی (18) هەژدە هەزار كەسان بوون و ژهەموو كەمپا مەزنتر و نەخۆشتر بوو وخەلكێ كورد پەروەر وخۆراگر نەخۆشترین رۆژێن رەش بۆراندن ونەخۆشترین وب خرابترین شێوە ژیانا خۆ دبرە سەر و رۆژێن رەش لناڤ فەرهەنگا نەخۆشیێن سەختر دا دبۆراندن ودوژمن روی رەش كرن وتاوانێن دوژمنان یێن بسەرێ كوردێن ئێزدی ومەسیحی وكریستیان وموسلمانان ئیناین بۆ ناوەندێن جیهانا مەزن بەرچاڤ كرن، ئاوارێن كەمپێن توركیا دژیانەكا سەخت ودژوار دا بوون وژیانەكا سادە دبۆراندن ب تایبەت كەمپا مێردینێ دبن چادرا دا دژین و وەرزێن زڤستانا سارو تەقن وبەفربارین وبایێ بهێز وهاڤینا گەرم وتۆز ودیكێل وبێ ئاڤ كو رۆژانە ب دەهان كەسێن بێ گونەه ژزارۆك وپیرەژن وپیرەمێرا ژبرس وتێهن وسەرما وگەرمێ دا دمرن،لسەرڤان نەخۆشی ودەردەسەری یا ژی كارگێریا كەمپێ و والیێ مێردینێ ومیت وپۆلیسان وحكومەتا توركی سەرەدەریەكا دوژمنكار وتوند دویر ژ بنەمایێن یاسایی یێن نێڤ دەولەتی دگەل مەدا دكر ومینا گیانەوەران دهاتینە هژمارتن وخەلكێ كەمپێ یێ ڤەدەر(منعزل) بوو ونەدهیلا شاندێن بیانی یا و رۆژنامەڤان وخەلكێ كوردپەروەر بێنە دناڤ كەمپێ دا كو نەپەنیێن رژێما توركی بزانن و زۆربەیا جاران بۆ ماوێ (10) رۆژان ئاڤ نەددا خەلكێ كەمپێ وخارن ژی هەر یا كێم بوو هەر (4) چار نەفەرا یەك سەموونە ددایێ ونەدهێلا خەلكێ كەمپێ سەرەدانا باژێری بكن ئانكو دەركەفتنا كەمپێ قەدەغە بوو دەمێ ژ سیمێ جەندرمێن توركا بۆری بایە ئێكسەر دا تەقە ل وی كەسی ئێتە كرن ئانكو دناڤ زیندانەكا بێ دەروك دابووین هەر چەندی بنڤێسم بداوی نائێت ئەو رۆژانێن سەخت ودژوارێن لبن پاتێ چادرێ دبۆراندن چنكو باوەری وئێكرێزی وئێك چارەنڤیس مە هەبوو ئەم خودان دۆزەكا رەوا بووین وخەلكێ مە هەموو نەخۆشی و دەردەسەری لسەر خۆ قەبیل دكر داكو یێ ئازاد بت وژبن دەستێ دوژمنان دا نەمینت پێتڤی یە هەردەم و ل هەموو دەزگایێن راگەهاندنا حكومەتا هەرێمێ وهەموو دەزگایێن راگەهاندنا پارتێن كوردستانی دیمەنێن سەختێن ژین وژیارا ئاوارەیێن توركیا و ب تایبەت كەمپا مێردینێ بەلاڤ بكن و بلا خەلكێ مە ئاگەهدار بكن كو ئەڤێن ل ئاوارەیێ دژیانەكا سەخت دا دژین پێخەمەت بدەستڤەئینانا مافێن خۆ یێن رەوا،هەژی گۆتنێ یە كو دناڤا كەمپا ماردینێ دا ب هیمەتا گەنج ولاوێن ئاوارە و شیانێن خۆبخۆیی ب دەهان قوتابخانە وخۆلێن فێركرنا زمانێن ئینگلیزی وتوركی وخۆلێن فێركرنا لاتینیێ دهاتنە ڤەكرن وب سەدان خەلكێ مەیێ نەخوێندەوار فێری زانین وزانستێن جۆراوجۆردبوون ،پێتڤی یە حكومەتا هەرێما كوردستانێ چەند ئاوریەكا ل ئاوارەیێن كەمپێن توركیا بدەن و ب تایبەت ئاوارەیێن كەمپا مێردینێ كو هەتا نهۆ ژی وەزعێ وان یێ ئابووری زۆر یێ خرابە وهەتا نهۆ ژی چ بۆ نەهاتیە كرن وهاتینە پشتگوه هاڤێتن ول رۆژێن تەنگاڤیان هەر ئەڤ ئاوارە بوون سوتەمەنیا شۆرەشێ و خۆ دكرە قوربان ول رۆژێن داهاتی وبەرفرەهیێ دا بلا خزمەت وماندیبوونا وان ئاوارەیێن كەمپێن توركیا نەئێتە ژبیر كرن،رەوشا نهۆ یا ئەم تێدا دژین هەر تمامكەرا وان رەوشانە یێن دوژمنان بسەرێ كوردان ئیناین وئەنفالێن جودا جودا بسەرێ كوردان ئیناینە و رەوشا ل ڤان سالان ژی پەیدابووی لسەر دەستێ داعش وحەشدا وەحشی ئەو ژی هەر تمامكەرێ پلانێن دوژمنانە ل ب هندەك رێ وئاراستەیێن دی لەوما یا فەر هەر ئەوە كورد هەڤ بگرن دا كو ببنە ئاراستەكا نوو وبەرچاڤ ودوژمن پێ بشكێت وكورد ژی مینا تەڤایا مللەتێن جیهانێ ب ئارامی وئاشتی بژین.
تُتاح هذه الصورة أيضا في: کوردی
