سۆتنا دەخلودانێ شنگال بەردەوامی دانە ب سیاسەتا داعش
صباح سمیر
بەردەوامی دان ب سیاسەتا كاڤلكرنێ ل دژی دەڤەرێن ئێزدیان و ب تایبەت ل شنگالێ كو ب ئەنجام دانا سیاسەتەكا نوو دئێتە پەیرەوكرن ل دژی ئێزدیان و ب تایبەتی سۆتنا دەخلودانێن خەلكێ ل شنگال، وەكو یە دیار داعش نكاری پلانا خۆ یا خووناوی ل دژی ئێزدیان تەمام بكت ب هەڤكاریا هۆزێن ئەرەبان یێن ئاكنجی ل نێزیكی دەڤەرێن وان كو نهۆ ئەڤ پیلانا نهۆ پشكەك ژ وێ بەردەوامیا وێ پیلانێ یە كو كار پێ دئێتە كرن كو ژبۆ رازیكرنا ئێزدیان ب واقعێ نهۆ ل ژێر كۆنترۆلا حەشدا شەعبی و حكومەتا عێراقێ ببینن،هەر دهەمان مژار دا جیێ حێبەتیێ یە هەتا نهۆ حكومەتا عێراقێ وەكو پێتڤی نكاریە خۆ ل دۆزا ئێزدیان یا رەوا بكەتە خودان و ئەڤ چەندا دئێتە روودان تنێ وەك تەماشەكەر بەرێ خۆ ددەتێ ، خالەك زۆر گرنگ هەیە چەند لایەنەك و ب تایبەتی یێن تۆهمەتبار ب جینۆسایدا ئێزدیان پشتی ئاگر بەربوویە دەخلودانێ خەلكێ و چەندین گۆرێن بكۆم هاتینە سۆتن و دڤردا دێ بەلگە و ب تایبەتی ژبۆ پشكنینا ب زەحمەت بن و حكومەتا ناڤەندی وەك پێتڤی نكاریە خۆ ل پاراستنا ڤان گۆران بكەتە خودان،دڤردا دخوازم بدەم دیاركرن كو ئەڤە نێزیكی پێنچ سالایە ئێزدی ب ژیانەك پر زەحمەت دناڤا كەمپان دا دبۆرینن و هەر دەمەكا ئاسویەكی نوو دئێتە پێش ژبۆ ڤەگەریانا خەلكێ مە بۆ شنگالێ دێ بینن جۆرە پیلانەكا تایبەت ژبال هندەك لیستكڤانێن ناڤخۆیی و ب سپۆنسەریا نێڤ دەولەتی دێ كارەكی وەها ئەنجام بدەن كو خەلك ڤەگەریانێ ژبیر بكە،هیڤیخوازم كو كابینەیا نوو یا حكومەتا هەرێما كوردستانێ بكارە ل دەمێن داهاتی پرسا چارەكرنا دەڤەرێن ئێزدیان ببە پشكەك ژ پاكێچا چارەسەریێ دناڤبەرا هەرێمێ و بەغدا دا ژبۆ برینێن خەلكێ بێنە سارێژكرن و ب ئاوایەكی بت دبەرژەوەندیا خەلكێ دا بت،كو ئێدی خەلكێ مە نەبە قوربانی پیلانێن قرێژ ل دەڤەرێن كوردستانی دەرڤەی ئیدارەیا هەرێما كوردستانێ،ئەگەر ئەڤ چەندە نێتە چارەكرن كو دەرفەتەك مەزن هەیە هندەك گرۆپێن رادیكالی نوو پەیداببن ل وان دەڤەران چنكو سیاسەتا حكومەتا عێراقێ رۆن نینە هەتا نهۆ وێ چاوا بكارە ئەڤان دەڤەران برێڤە ببە و بێ هەرێما كوردستانێ مەحالە ئەو دەڤەر ئارام ببەن.
تُتاح هذه الصورة أيضا في: کوردی
