جارەكا دی مە و هەلبژارتنا ژڤانە
سوزان میرزا بەگ
وەك دئێتە زانین پرۆسێسا هەلبژارتنا ئێكە ژ نیشانێن دیموكراسیەتێنە ل هەر وەلاتەكی دیموكراسی،بێگۆمان هەرێما كوردستانێ ژی ئێك ژ وان وەلاتایە یێن كو هەلبژارتن لێ دئێنە كرن لگۆر سیستەمێ دیاركری یێ كو ژ ئالیێ كۆمسیۆنا بلند یا هەلبژارتنا ل هەرێما كوردستانێ ل دەستپێكا هەلبژارتنا ل كوردستانێ پشتی راپەرینا ئادارا پیرۆز ب شێوێ لیستا گرتی بوون ئانكو لایەنێن سیاسی ل پێش وەخت دەست نیشان دكرن و هەر ئێكی ژمارەكا تایبەت هەبوو لایەنێ وان یێ سیاسی بتنێ بانگەشە بۆ لیستێ دهاتە كرن،پشتی چەند خۆلێن پەرلەمانێ كوردستانێ سیستەمێ هەلبژارتنا هاتە گهۆرین ژئالیێ كۆمسیۆنێ ڤە ئانكو ژ سیستەمێ لیستا گرتی هاتە گهۆرین بۆ لیستا ڤەكری ئانكو قەوارێن سیاسی دێ كاندیدێن خۆ دەستنیشان دكن بەروڤاژی لیستا گرتی دەمێ لیستا گرتی ئێكی ئێزدی دهاتە كاندیدكرن بۆ پەرلەمانێ كوردستانێ بێی هیچ ئاریشەك،بەلێ پشتی بوویە لیستا ڤەكری گەلەك ئاریشە و ئاستەنگ لبەر سنگێ كاندیدێ ئێزدی پەیدا دبن ئەو ژی نەبوونا دەنگایە ئانكو دەنگێن ئێزدیان پتریا جارا تێرا وێ چەندێ ناكن كو ئێكی ئێزدی بێتە هەلبژارتن بۆ پەرلەمانی،چنكو چەند دەڤەرێن دیاركری یێن گرێدایی بسەر هەرێما كوردستانێ ڤە بتنێ خەلكێ وان دەڤەرا دكارن دەنگێ خۆ بدەنە كاندیدێ بسەر كوردستانێ ڤە ئەڤەژی ئەو دەڤەرەنە دێرەبوون و گوندێن بسەر ڤە وخانك و شاریا و باعەدرێ ئەڤ دەنگە ژی بەربەلاڤ دبن لسەر كاندیدا و تێرا ئێكی ناكن ژبەر ڤێ چەندێ جیێن شۆلەژێ و پەیوەندیدار داخواز ژ هەموو ئالیێن سیاسی كرن كو كۆتێ بدەنە ئێزدیان بەلێ یا بێ مفا بوو وەك هاتیە زانین كو ب ئاشكرایی چەند لایەنەك بوونە رێگر كو كۆتێ نەدەنە ئێزدیان لێرە دبێژمە وان لایەن و كەسان ئەو یا وەكری نە كێمتر بوو ژ جینۆسایدا شنگالێ?!،هەر دیسا بۆ لایەنا دبێژم هوون ب هیچ رەنگەكی نكارن مە ژ ئاخا مە دوور بكن یان ژی ژ نەتەوا مە،ل ڤێدەرێ دبێژم ئەگەر هات و ئێكی ئێزدی وەك كاندید بسەر نەكەفت ئەوێن بووینە رێگر بۆ كۆتا ئێزدیان دێ ناڤێ وان ب رەشی دێ دلاپەرێ دیرۆكێ دا ئێنە ل قەلەمدان و نەڤی بۆ نەڤی دێ بێژن و ڤەبێژن كو فلان لایەن رۆژەكێ بوو رێگر كو چاڤێ وان ب وێ چەندێ رانەبوو ئەندامەكی ئێزدی ب رەخ خۆڤە بینت روونشتی وەك ئەندامەكی پەرلەمانێ كوردستانێ،هیڤیخوازم ڤێجارێ پەرلەمانێ مە نەی ڤالابت ژ رەسەنترین پێكهاتێ عێراقێ و كوردستانێ.
تُتاح هذه الصورة أيضا في: کوردی
