كورد بوونە بەشەك ژ بەرخودانا گەلان دناڤ جیهانێ دا
جوان بەرواری 
وەكی یادیار كو مژارو سەر نووچەیێن هەرە گەرم ئەڤروو دناڤا كوردستانیان هاتینە دەنگڤەدان ئەگەر ئەڤ مژارا شەرێ مو,سلێ ل وەلاتێن دەرووبەر ژی نەهاتبیتە مژارەكرن و دەنگڤەدان ل رۆژهەلاتا ناڤین بووینە نووچەیێن هەرە گرنگ گەرم،لێ دسەرە راستكرنا ڤێ مژارێدا كو رۆژهەلاتا ناڤین بوویە پشكەك ژ سۆتنا ڤێ یاریێ ب تایبەت سوریا و عێراق بووینە جهێن هەڤكێشەیێن بێ سنور و كریارەكا ب مەترسیە كوئالوگوریا دیاركرنا ڤێ كریارێ بۆ ماوێ دوو سالانە مووسل كەتیە دناڤا دەستێن تیرۆرستێن داعش دا،ئەڤجا هەبوون و مژارێن گرنگ د رزگاركرنا دەوروبەرو و باژێرێ مووسل دا دیاردبن.
ل ڤێرێ دەمێ كو داعش كەتیە دناڤا مووسل دا وداگیركری وی دەمی پشكەكا مەزن ژچەك و و پێتڤیێن باشێن سەربازی دەست بسەرداگرت و مفایەكێ مەزن ژڤێ چەندێ دیت ،ئەڤێ چەندێ ژی مورالەكا مەزن ژبۆ تیرۆرستێن ڤێ رێكخراوێ پەیداكر و هەروەسان بەشەكێ مەزن ژ جوگرافیا ڤێ دەڤەرێ كەڤتە دەستی دا،ژلایەكێ دیڤە ئابوریەكا تەواو ئێخستە بن ئەملاكێ خۆ ڤە بوونە خودان ئەمر و خەلكێ سڤیل قوربانیا ڤێ چەندێ ددا لێ سەرەرای وێ یەكێ كو رۆژ بۆ روژێ پێشمەرگێن چاڤ نەترس وئازا شیان هەموو هێزو هەول بزاڤێن خۆ بدەنە كاری و ل بەر سینگێ ڤی دوژمنی ب سەكنن و مورالا وان كێم بكەن ئەڤە ژی باشتیرین دەستكەڤت بوو كو كورد بوونە بەشەك ژ بەرخودانا گەلان دناڤا جیهانێ دا هاتنە پێش پاشان ئەمریكا ب بهانەیا داعش گەڤێن تیرورێ ل سەركوردان وكارەسات وئەو تراژیدیێن ب سەر خەلكێ دەڤەرێ داهاتی شیا كوردان وەكی هەڤپەیمانەكێ خۆ یێ سەرەكی كو دبێ چەك و هەستەكا سیاسی بوون ل جیهانێ هەم چەكداریێ بكەت هەم ل سەر ئاستێ جیهانێ بكەتە ژمارەیەكا گرنگ و پێناسەیا وان ب جیهانێ بدەتە ناسكرن،ژبەر زێهنییەتا وان ل هەمبەر ڤێ رێكخراوا تیرۆری مینا نەتەوەكی شەرخواز بێتە گهۆرین.
هەرچەندە گەلێ كورد ژی ب ڤێ یەكێ شاناز بوو لێ ل هەمبەر ڤێ بەرخودانێ گەلەك زوری زەحمەتی قوربانی دان ،لەورا ب دیتنا من ئەڤە ژی ئێك ژ وان نیشانایە كو راستە ئەمریكا دڤێت ئێدی كورد ژی بگەهن مافێ خۆ یێ دەولەتبوونێ ، ئەڤە ژی جهێ سەرسورمانێ یە ! كو ئەڤرۆ هێزەكا سەربازی بێ دەستكەڤتێن سیاسی یارژدبیت پشكداریێ دشەرەكێ دابكەت مینا بارودۆخەك هۆسا و هەبوونا دەستپێكرنا ڤی شەری ل دەوروبەرو دەڤەرا مووسل دا هەبوونا مورالا پیشمەرگەیێن ب جەرگ قارەمان هەر بلندە و هەمی هێزا خۆ بكارئینایە ژبۆ ژناڤبرنا ڤی دوژمنی،لەورا دوژمن ئێدی بۆ خودان هێزەكا لاواز و مری وشكەستی ئەڤە ژی كارڤەدانەك وپێنگاڤەكا نوویە بۆ بەردەوام بوونا بەرخودانا پێشمەرگەیێن شۆرەشگێر ونیشانا سەكتەرێن دەولەتبوونێ.
تُتاح هذه الصورة أيضا في: کوردی
