ب تیرۆركرنا بالیۆزێ رووسیا زەنگا مەترسیێ لێدا
خالد خدر
نێزیكی شەش سالایە شەر وكوشتن و تیرۆر و خرابكرن وكاڤل كرن یە بەردەوامە ل سووریا ، قووربانیێن مەزن كەفتینە ژ گەلێن سووریا ب تایبەتی یێن سڤیل ، تشتێ دلتەزین وجهێ نیگەرانیێ كو پتریا قووربانیێن ڤی شەرێ هەنێ زارۆك و ژنن ، ل ڤان رۆژێن داوی ئەڤ دیمەنە دووبارە بوویە ڤە ل شارێ حەلەبێ دەولەیی سەرێ رووسیا پتریا حەلەبێ كەفتە ژێر كۆنترۆلا لەشكەرێ رژێمێ كو ئێكەمین جارە رژێم ڤێ سەركەفتنا مەزن تۆمار دكەتن لسەر ئۆپزسیۆنێ ، بەلێ شادی و خۆشییا رووسیا ب وێ سەركەفتنێ گەلەك نەڤەكێشا ژبەر وێ روودانا مەزنا ل ئەنقەرا هاتی كرن ل رۆژا 19ی كانوونا ئێكێ یا بۆری ،ئەوژی تیرۆركرنا بەرێز(ئەندرێ كارلۆف) بالیۆزێ رووسیا ، تیرۆركرنا بالیۆزێ رووسی ل توركیا كریارەكا تیرۆرستییا گەلەك مەزن بوو ل سەر ئاستێ دەڤەرا رۆژهەلاتا ناڤین و جیهانێ ژی.
ئەڤێ كریارا هەنێ جارەكا دی دووپات كرەڤە كو ئەلەهی و تەناهییا جیهانی لژێر گەفەكا مەزن داینە ،ب تایبەتی كو ڤێ جارێ تیرۆركرن ب شێوازەكی دی و جێواز هاتە كرن نەخاسمە كو ئەنجامدەرێ كوشتنا بالیۆزێ رووسیا زەلامەكی ئەولەهیا توركی بوو بناڤێ (مولود ئەلتن تاش)و ئەوی دگۆت ئەڤە تۆلڤەكرنە بۆ كوشتنا خەلكێ حەلەبێ ،هندەك دبێژن ئەو سەرب نووسەرەڤە یە بەلێ توركیا گرۆپێ فەتحوللا گۆلن تومتباركر، ب مخابنی ڤە ئەڤێ چەندێ تا رادەكی جهێ خۆ گرت و كاری سەرنجا خەلكی راكێشیت و هۆسا هاتە تێگەهشتن كو ب شێوەكی راستەقینە ئەو كریارە دەربرین بوو ژبۆ تۆلڤەكرنێ ژ ئێش وئازارێن خەلكێ حەلەبێ ژ دەستێ لەشكەرێ رووسیا ، كو كاری هەستێن وی خەلكێ كەب گرتی ژ رووسیا بۆ لایێ خۆ بكێشیت ، و بوویە پروپاكندەكا نەیا راستەوخۆ بۆ پالپشتیا تیرۆرستێن داعش ، ئەم هەموو دزانین كوداعش و خۆشكێن خۆ بەرپرسێن سەرەكی نە ژ ڤێ رەوشا خرابا خەلكێ سووریا تێدا دەرباز دبن ، و هەروەسا رژێما ئەسەدی و هەڤپەیمانێن خۆ ژی هەڤپشكێن سەرەكی نە دڤێ تاوانا مەزن ل سووریا دهێتە كرن.
لدیڤ شیكارێن سیاسی لایەنێ ئێكێ یێ مفادار ژڤێ كریارێ (ئیران)ە و پاشی تووركیایە و رێكخراوێن رادیكالن ب تایبەتی داعش و بەرەیێ نووسرە و بەرۆڤاژی زیانەكا مەزن گەهاندە گرفتا سووریا كو رەوش ئالۆزترلێكرو بابەت زڤریەڤە بۆ چارگۆشێ ئێكێ ومەترسییا گرفتا سووریا پتر دیاركر ، ل ڤر تشتەكێ دی هەیە جهێ سەرسۆرمانێ یە ! ئەوژی ئەگەر تە بەرێ خۆ دابا راگەهاندنێ ب رەنگەكی گشتی و ب رەنگەكی تایبەت تۆرێن جڤاكی كو پتریا خەلكی یی هەڤسۆز بوو دگەل وی كەسێ بالیۆزێ رووسی تیرۆركری و پشتەڤان بوون ژبۆ كوشتنا وی ، و ب تیرۆركرنا بالیۆزێ رووسیا زەگا مەترسیێ لێدا ل جیهانێ ؟ ، ئەڤ چەندە ژی خالەكا نەرێنی یە سەبارت ئەولەهی و تەناهیا نێڤ دەولەتی ، و ژبۆ ئاشتییا نێڤ نەتەوەی ژی گەفەكا راستەوخۆ یە ، وژلایەكی دی ڤە خەلكەكی سادە و بێ گەنەه دهێتە خاپاندن ژبۆ پشتەڤانیا تیرۆر و تیرۆرستان ، ب تایبەتی كو نهۆ دەڤەرا رۆژهەلاتا ناڤین و جیهان هەموو ل قۆناغەكا دژوار وهەستیار دا دبۆریت ، براستی كوشتنا بالیۆزێ رووسی ل تووركیا تیرۆرستان شێوازەكی نوو و پێشكەفتی و تەكتیكەكا جیواز بكارئینان ، و پشتی ڤێ بوویەرێ ئێدی وەلاتێن زلهێز و مەزن یێن مینا رووسیا دێ ب هشیارتر و ژیرتر رەفتارێ دگەل گرۆپێن تیرۆرستی كەت.
تُتاح هذه الصورة أيضا في: کوردی
