نادیا موراد كاری فشارێ ل وەلاتێن جیهانێ بكت بۆ جینۆساید ناساندنا كەیسا ئێزدیان
جوان بەرواری 
ژن دئێتە هژمارتن ئیك ژپیڤەرێت هەرە گرنگ د جڤاكی دا هێمایێ شەرەفێ یە،ئەو بەرهەمە ئەوێ مللەت پێ دئێتە ئاڤاكرن و دبتە سمبوولەك بۆ دیرۆكا وی مللەتی ئەگەر ئەم نێرینێ ل سەر توخیبێ ئافرەتی بكەین،كو راستی گەلەك دهێنان و زولم و زۆرداری و توندوتیژی و ڤاكتەرێن جڤاكی دئێت،هەردەم دكەفتە دناڤا ململانا عەشیرەتەگەری و ئاریشان دا، لێ چەسپاندنا ڤی پێڤەری ب شێوەیەكێ رەوشەنبیری و ب ململان و مومارسەكا زانستیانە پێتڤیە بێتە شرۆڤەكرن و گەنگەشەكرن.
سەرەرای وێ چەندێ هەبوونا ئافرەتێ شانشینەكا دورپێچكریە بۆ ڤەكرنا هەموو سنوور و وارگەهێن زانستی و پشكەكا مەزنە ژ بەرهەم بابەتێن سیاسی و ئەدەبی و رەوشەنبیری ورێڤەكرنا ئازادیا ژنان ،داكو ل تەوەرێن كەڤن توزێ گرتی بێنە دناڤا مەیدانێن خونیاسین و رێكخستنێن جڤاكی دا ، لێ ل ڤیرە گرنگترین خالا كو من دڤێت ئاماژێ بدەمێ ئەو بوویە چەندین كچ و ژنێن ئێزدی راستی ڤی مملەكەتێ زولمێ هاتن پێشیا جیهانێ گەلەك قوربانی ب سایا وان هاتە دەنگڤە دان و كەتن دناڤا توندتیژی و گڤاشتنێن درەندەترین رێكخراوا تیرۆرستی ئەوا بناڤێ داعش ، لێ چارەنڤیسێ ڤان كچان نە هاتە رەشبینكرن بەلكو بوو چارەنڤیسەك ب شەرەف و كەرامەت ل هەمبەر ووژدانا مرۆڤایەتیێ وستراكچەرێن گەلێ كورد و جیهانێ هەموویێ،نادیا موراد ژی ئێك ژ كچێن ئێزدی بوو كو خودان مالباتەك رەوابوو و ب شەش خوشك و دوو برایان ڤە دگەل دەیك و بابێ خۆ كەفتنە بەرپێلێن ڤێ فەرمانا ب ئێش و كەدەر،پاشی قەستا چوونا دەرڤە كر ول رۆژا 16/9/ 2015چیرۆكا خۆ وهەموو كچێن ئێزدی دەتە دیاركرن بۆ گەلێ جیهانێ و هاتە رزگاركرن ل ژێردەستێ ڤێ رێكخراوا هۆڤانە،پاشان هەموو هێزو شیانێن خۆ ل هەمبەر وێ قوربانیكرن و زولم و زۆرداریا ب سەرێ وێ هاتی دانە شیان هەتا كو بوویە خودانا دەستكەفتەكێ هەری بلند و چارەنڤیسەك ب شەرەف وكەرامەت و ب پلەیا بالیۆزا نیازپاكیا نەتەوەیێن ئێكگرتی دەستبكاربووی.
سەرەرای وێ چەندێ نادیاموراد كاری فشارەكا مەزن بدانێتە سەر وەلاتێن جیهانێ بۆ جینۆساید ناساندنا كەیسا كوردێن ئێزدی،دهەمان دەم دا ژبۆ رزگاركرنا ئەو كچ و ژنێن ماینە بن دەستێ داعش رومەت وشەرەفا خۆ كرە میناك و ل سەردەزگەهێن میدیایێ بخاترا وێ یەكێ كو ئەڤ كچە بێن رزگاركرن و ببنە پیڤەرێن شەرەف و كەرامەتێ ،ژبۆ وێ یەكێ كو ئارمانجا ئافرەتێ نە ب تنێ كاروبارێن مال ومالدارینە شكاندن و بێ رومەتكرنا كەسایەتیا وێ نە،بەلكو شیان و ئارمانجێن وان پێڤەرو هێمایێن گهوەرین و سەركەفتن و پێشكەفتنا مللەتانە.
تُتاح هذه الصورة أيضا في: کوردی
