پارێزگەهبوونا شنگال سەر ب هەرێما كوردستانێ ڤە،خەونەكە دڤێت بێتە ب جهئینان
قاسم عەلی ئەلقیرانی
شنگال تووشی هێرشێن تیرۆری یێن دوژواربوویە ب تایبەتی ل هەردوو ناوچەداریێن گرعزێر وسیبا شێخ خدر،ل 14/8/2007 ژمارەكە مەزن ژكوردێن ئێزدی ژئەنجامێ پەقینێن مەزن هاتنە كوشتن وژبلی یێن ب گرانی بریندار بووین ل كۆمكوژییا سیبا شێخ خدر (فەرمانا 73).
ل 3/8/2014ێ جارەكا دی شنگال تووشی هێرشێن مەزن بوو ودئەنجامدا چەندین دەڤەر كەفتنە بەر وان هێرشێن تیرۆری ،لێ داگیركرنا شنگال ئارمانجەكا دی بوو ، ئەوژی هنداكرنا دیرۆكا كەڤنارا ئێزدییا وكوردا بوو، بەلێ شەرڤانێن ئێزدییا وپێشمەرگەی هەموو شیانێن خۆ تەرخانكرن بۆ پاراستنا دیرۆكا ئێزدییا وكوردا، ب هەزارا كەس بوونە قوربانێن وێ فەرمانێ ونێزیكی پێنج هەزار گرتییا وژبلی وان گوندێن هاتینە وێران كرن ، هەروەسا 80% ژناڤەندا قەزا شنگال بدەستێ تیرۆرستێن داعش هاتیە وێرانكرن،پشتی شنگال تووشی كوشتن گرتن و تالانكرنێ بووی هەتا نەبتە پارێزگەهەكە هەرێما كوردستانێ بۆ مە ب زەحمەتە ئەم بكارین ب زڤرینە شنگال،لەورا ئەم داخواز دكەین شنگال ببتە پارێزگەه سەر ب هەرێما كوردستانێ ڤە،دا مێژوویا كوردستانێ بێتە پاراستن.
تُتاح هذه الصورة أيضا في: کوردی
