تاكەكەسێ كورد و ئیرادە!
جوان بەرواری 
دەما كو مرۆڤ نێرینێ ل ژیانێ دكە وی دەمی هەستا مرۆڤی وێ ئەجندایێ نیشا مرۆڤ د دە ،كو ژیان ل سەر بنەمایەك رێك و پێك ورێبازەك نوو رێكخستی هاتیە ئاڤاكرن هەر ژ كەڤندا ،گەنج ئانكو جوان ل سەرانسەری جیهانێ و ئالیێ باكور ورۆژئاڤا ل سەر ئاڤاكرنەك نوو و بیرورایەك ئازاد هاتیە پەروەردەكرن وژیان دایە مەشاندن ب هەموو كەد و رەنجا خۆ باوەری ب ئیرادە بخۆ پەیداكریە و ل سەرفەلسەفەك دیرۆكی و رێبەرتیەك راستەقینە خۆ گەهاندیە وێ قۆناغێ.
ل ڤێرە تشتێ من دڤێت ئاماژێ دەمە تەخا تاكەكەسێ رۆژهەلاتا ناڤین ژئالیێ باشوور ڤە ،گەنج ئانكو ب گشتی تاكەكەس ب بێ ئۆمێدی دگەل نەبوونا ئیرادێ باوەریبوونێ بخۆ نێرینێ ل ژیانێ دكە چ هیڤیا وی/وێ ژبۆ بەرخودانێ وپارڤەكرنا ئیرادێ نینە ،ژبەركو دەستپێكا وی ل سەر رێكخستنە كو فەلسەفەك نە رێك و پێكی هاتیە ئاڤاكرن دناڤا ناخێ تاكەكەسان ژی دا،هەبوونا ئیرادێ نەهاتیە مژاركرن،هەردیسان ژئالیەكێ دیڤە دەستهەلات رۆلەكێ كێم تەرخەم هەیە دهەبوون شرۆڤەكرنا ڤێ مژارێدا نەدامەزراندنا وان پێتڤیاتێن تاكەكەسی و ئاڤاكرنا فەلسەفا ژیانا وی ، ئەڤ چەندە تاكە كەسی دكۆمەلگەهێ دا هاندەت ژبۆ بنەمایەك مری و ل سەر بنیاتەك شكەستی رێیا ژیانێ ب مەشینیت تا داویا داویێ، لێ سەرەرای وێ چەندێ ژی ڤێ خالێ نەرینێن خۆ هەبووینە ل سەر جڤاكی ، چنكو جڤاك دئێتە رەنگڤەدانكرن ل سەر بنەمایەك نەعاقلانە بێ واتەبوون ئەو ژی سەدەمێ نەرێكخستن و كارڤەدانێن كارو چالاكی بیرورایێن ئازادیا تاكەكەسی ب شێوەیەكێ بێ هێزو ئیرادەبوون دناڤا كۆمەلگەهێ دا ، هەبوونا جڤاكەك پولیتیك دبتە ستراكچەرێ كەسایەتیەكا سایكولۆژی دناخ و دەروونێ تاكە كەسان دا قەبولكرن وپەسەندكرنا ڤێ راستیێ كو ئەڤ جۆرە نەخۆشیا هەی ل سەر هندەك فەلسەفێن پراكماتی یان ژی بیرو رایەك ئازاد و رێگرتن ل هەمبەر خوەسەریا جڤاكی ، لێ ل ڤیرَە بانگەشەیامن ژبۆ هەموو گەنج و ژن پیرو كالان ئەوە كو رابن خووندنەكێ دخۆ دابكن و خۆ رێكبێخن ل سەر بنەمایەك دیمكراسی و زانە بوون و ب هێزو ئیرادەیا خۆ و ب رێبەك ڤەكری بێنە مەیدانێ و ب بەرخودانەك ب جوش ب راوەستن ل هەمبەر سنورێن نەڤەكری دوژمنێن توندرەوێن ب دژی گەلێ كورد باشترین چارەسەری ئەوە كو بنگەهەكێ فكری لوژیكی فەلسەفەك ب زانە بوون دگۆتارو مژارێن میدیا وراگەهاندنێ و دەرڤەی راگەهاندنێ بێنە شرۆڤەكرن و بێنە پارڤەكرن و رۆژانە تاكەكەس هزر دفكرو رامان هەبوونا خۆ دابكت و ل هەمبەر پێشەنكتیا خۆ گەلێ خۆ خوەدی دەربكەڤت ورێیا راستیان ڤەكت و ئیرادەیا خۆ موكمتر بكت بینتە هۆلێ زمان و داخوازا ماف و رزگاریخوازا خۆ و گەلێ خۆ بكت و جڤاكەك نوو ئاڤا بكت،ئەو جڤاك ل سەر رێیا دیموكراسی و فیدراسوونی وعەقلەك ب واتەبوون بێ رومەتكری ئاڤا بكە.
دیرۆكا جڤاكەك ب رێكخستی ل سەر ملێن گەنجان و هەبوونا باوەری ئیرادەیا وان دبتە كۆمەلگەهەك ساخلەم وەكی كا چاوان گەنج ب گەنجاتیا خۆ بەرخودان كریە و تا ڤێ قوناغێ خۆ ئاڤاكریە،پێتڤیە وەسا گەنج ب گەنجاتیا خۆ جڤاكەك رێكخستی و ئازادو ئیرادەك ب هێز ژی ئاڤابكت ل هەمبەر توندەكارێن هێزێن بكوژ ئەوێن ب دژی گەلێ كورد ب راوەستن و ل پێشنكتییا خۆ گەلێ خوەدی دەربكەڤن و ژیانەك ب یاسایی بوون پەیرەوبكن،دابگەهنە رێیا سەركەفتنێ.
تُتاح هذه الصورة أيضا في: کوردی
