كۆمپانییا شیفرۆن یا ئه‌مریكى چالاكیێن خوه ل هه‌رێمێ ده‌ست پێ كرن
WAAR-دهۆك:
مه‌زنه كۆمپانییا شیفرۆن یا ئه‌مریكى، جاره‌كا دى ده‌ست ب چالاكییێن خوه یێن به‌رهه‌مئینانا په‌ترۆلێ ل هه‌رێما كوردستانێ كر.
د راگه‌هاندنه‌كێ دا، سالى جۆنز په‌یڤدارێ كۆمپانییا شیفرۆن گۆت: نها ل كێلگه‌ها سارتا 3 یا په‌ترۆلا هه‌رێما كوردستانێ، وان ده‌ست ب كارێ كولانێ كرییه و جاره‌كادى چالاكیێن وان ده‌ستپێ كرن و دێ به‌رده‌وامبن.
گۆت ژى: كۆمپانییا وان دێ ل كێلگه‌هه‌كا ده‌ڤه‌را خه‌بات ل هه‌ولێرێ و كێلگه‌هه‌كا ده‌ڤه‌را قه‌ره‌داغ ل سلێمانیێ، به‌رده‌وامییێ ب ده‌رخستنا په‌ترۆلێ ده‌ت.
كۆمپانییا شیفرۆن ل سالا 2014 ده‌ست ب ده‌رخستنا په‌ترۆلێ ل هه‌رێما كوردستانێ كرییه و پشتى رێفراندۆما سه‌رخوه‌بوونا كوردستانێ ل داوییا سالا بوورى، كارێن خوه ل كوردستانێ راگرتبوون.
تُتاح هذه الصورة أيضا في: کوردی
