فرانس پرێس: تا نھا تورکیا نەشیایە ل عەفرینێ پێشڤە بچیت
WAAR-دهۆك:
ھێرشا سوپایێ تورکیا ل سەر عەفرینێ کەفتە د مەھا دووێ دا و تا نھا تورکیا چو پێشڤەچوونێن دیار نەکرینە.
ئاژانسا فرانس پرێس د راپۆرتەکێ ئاشکرا کر، ھێرشا سوپایێ تورکیا ل سەر عەفرینێ کەفتە د مەھا دووێ دا و تا نھا تورکیا نەشیایە چو پێشڤەچوونان بکەت.
فرانس پرێس ژ زارێ جونا جبوور، رێڤەبەرا بنگەھێ لێکۆلینێن ناڤدەولەتی یێ زانستێن سیاسی ل پاریسێ ئاشکرا کر، پێدڤییە جوداھی د ناڤبەرا گۆتار و پرۆپاکندێن سیاسی و کەتواری دا بھێتە کرن.
گۆت ژی: تورکیا ل سەر ئەردی تووشی ئاستەنگان دبیت و نەشێت پێشڤە بچیت، یەکینەیێن پاراستنا گەل یەپەگێ ژی رێکخستنەکا رێک وپێک ھەیە و شیانێن مەزن یێن بەرگریکرنێ و شەری ھەنە، شرۆڤەکارێ سەربازیێ تورک عەبدوللا ئاگار ژی ئاشکرا دکەت، ئەو نزانن بەرگرییا عەفرینێ دێ چەند ڤەکێشیت.
جونا جبوور گۆت ژی: ته‌ڤی ئاستەنگێن دکەڤنە بەر سینگێ تورکیا ل عەفرینێ کو نەشێن چو پێشڤەچوونان بکەن، ئەردۆغان و حکومەتا تورکیا گۆتارێن خوە توند کرینە بۆ وێ یەکێ ھەستێن نشتیمان پەروەریێ دروست بکەن و گەلێ خوە ل دۆر دەستھەلاتێ خرڤە بکەن.
تُتاح هذه الصورة أيضا في: کوردی
