جۆزێف ڤۆتێل: جیهان قه‌ردارا كوردانه
WAAR-دهۆك:
فه‌رماندارێ هێزێن ناڤه‌ندی یێن ئه‌مریكا راگه‌هاند، د مژارا شه‌رێ دژی داعشێ دا جیهان قه‌ردار و سوپاسدارا كوردانه.
جۆزێف ڤۆتێلى پشتی سه‌ره‌دانا خوه یا ئیراقێ د پرێس‌كۆنفرانسه‌كی دا گۆت: كوردان د شه‌رێ دژی داعشێ دا قوربانییه‌كا مه‌زن ل ئیراق و سووریێ دایه و چه‌ندین جهێن گرنگ رزگاركرینه، پێدڤییه ئه‌و نه‌هێنه ژبیركرن و جیهان قه‌ردارا وانه.
ڤۆتێلى دوپات كر پشته‌ڤانییا ئه‌مریكا دێ بۆ یه‌په‌گێ ل سووریێ به‌رده‌وام بیت هه‌تا كو داعش بته‌مامی دهێته ژناڤ برن و خوه‌جهی ل وی وه‌لاتی به‌رقه‌راربیت.
هه‌روه‌سا فه‌رماندارێ هێزێن ناڤه‌ندی یێن ئه‌مریكا گۆت ژی: هێزێن سووریا دیمۆكرات هێزا هه‌ری كاریگه‌ره دژی تیرۆرێ ل سووریێ له‌ورا ئه‌مریكا ده‌ست ژ پشته‌ڤانییا وێ به‌رناده‌ت.
تُتاح هذه الصورة أيضا في: کوردی
