وەلاتیەکێ 12 دوپشک د مالا خوه دا کوشتن
ئەڤرۆ نیوز:
ددەما کێمتر ژ ھەیڤەکێ دا وەلاتیەکێ سەنتەرێ ناحیا شێلادزێ 12 دوپشک دمالا خوە دا کوشتن، و دوو دوپشکان ژی ب ویڤەدایە.
حەربی چێی وەلاتیەکێ سەنتەرێ ناحیا شێلادزێ یە دایە دیارکرن کو دوپشک ل شێلادزێ زورن و مەترسی بو سەر ژیانا وان و زاروکان درۆستکریە و بۆ ئەڤرۆ نیوز گۆت: (ددەما کێمتر ژ ھەیڤەکا بوری دا من 12 دوپشک د مال دا کوشتن کو ئەو ژی دوپشکێن زەر و رەش بوون، ڤێ یەکێ مەترسی بو سەر ژیانا خێزان و زاروکێن من و خەلکێ شێلادزێ دروستکریە).
زێدەتر گۆت: (دوو ژ وان دوپشکان ب منڤەدایە و کارتێکرنەکا زور لسەر ساخلەمیا من کر، و سەرەدانا نوژداران کر ھەتاکو جارەکا دی ھاتیمە سەر رەوشا خوە، و ھەرەشەیا دوپشکا نەک تنێ لسەر خێزانا من ھەیە بەلکو لسەر ھەموو خەلکێ دەڤەرێ ھەیە و رۆژانە چەندین دوپشک ژلایێ جیران و کەس و کار و مالێن خەلکی دھێنە کوشتن).
تُتاح هذه الصورة أيضا في: کوردی
