ئەرێ ڕاستە تیشکێن WiFi دبنە ئەگەرێ پەنجەشێرێ؟
نوش نیوز:
دکتور عەدنان ێالح ئاکرەیی بۆ نوش نیوز ددەتە دیارکرن کو دەنگویێ مەتڕسیا بکارئینانا وایفایێ لسەر لاشێ مرۆڤی زێدە بەڵاڤەبوویە ب تایبەتی ل توڕێن جڤاکی ومیدیایێن ڕاگەھاندنێدا وگەنگەشەکا زۆر ھاتیەکرن کا ئەرێ تیشکا وایفای دبیتە ئەگەرێ پەنجەشێرێ یان نە؟!
گۆت کو دڤی بۆاریدا د.گاری لارسۆن ڕێڤەبەرێ سەنتەرێ ئوکلاھۆما یێ چارەسەریا پرۆتونێ دبێژیت :تیشکێن وایفایێ د مەودایێ ٢-٥ مێگاھێرتزان کاردکەن کو ھەمان مەودایێ تەلەفۆنێن موبایلایە. ئەڤ تیشکێن رادیویی ھەمان ئەو تیشکن ئەوێن دھێنە بکارئینان بۆ پەخشکرنا کەنالێن تەلەڤزیونێ، تەنانەت ئەڤ جۆرە تیشکە؛ ژ تیشکێن حەتاڤێ کێمترن وب سەلامەتترن، چونکو تیشکێن حەتاڤێ کێمترین تیشکێن ئایۆنی بخوەڤەدگریت کۆ بکاریت زیانێ لسەر(DNA) دی ئێن ئەی یا مرۆڤی بکەت وچێدبیت ببیتە ئەگەرێ درۆستبوونا پەنجەشێرا پێستی ،لێ نەھاتیە زانین تیشکێن رادیویی (کۆ تیشکێن نە ئایۆنی نە) پەیوەندیەک ھەبیت دگەل ھیچ جۆرەکێ پەنجەشێرا یان زیانەک ھەبیت لسەر ساخلەمیا مرۆڤان.
ھەروەسا خۆیادکەت کو بۆ ماوێ پتر ژ ٣٠ ساڵان کارکریە (وەک تایبەتمەندێ پەنجەشێران وچارەسەریێن کیمیاوی وتیشکێ) شارەزایەک باش بۆ درۆستبوویە ل ھەمی جۆرە ماددێن شیرپەنجەیی -سندانلێدەر (ئانکۆ کارسینوجینیک) تا نھا چ بەلگەیێن زانستی ولێکولینان دیارنەکریە پێلێن رادیویی وەک یێن وایفای وتەلەفۆنێ زیان ھەبیت لسەر لاشێ تە و ئاشکرادکەت تەنانەت ل پاشەڕۆژێداژی چ میکانیزم نەشێن شلۆڤەکرنەکا زانستی پەیدابکەن بۆ ھەبوونا لینکەکی دناڤبەرا پەنجەشێرێ وتیشکێن رادیویێ.
تُتاح هذه الصورة أيضا في: کوردی
