“”فلمێ تۆرن لسەر تاوانێن جینۆسایدا ئێزدیان 12خەلاتێن نێڤ دەولەتی بدەستخۆڤە ئیناینە””
تۆرا لالش یا راگەهاندنێ
دەرهێنەرێ فلمێ تۆرن یێ رۆمانی(نەوزاد شێخانی) ئاشكەراكر كو فلم بەحسێ چیرۆكا هەر مرۆڤەكی دكت تووشی شەرێن جینۆسایدێ و چەوساندنێ بووین و بۆ جیهانێ دا دیاركرن ئێزدی تووشی جینۆسایدەكا سەرتاسەری بووینە،زێدەباری ل دەمەكی كێم دا كاریە (12)خەلاتێن نێڤ دەولەتی ل فیستەڤالێن جیهانی دا بدەستخۆڤەبینت.
لدۆر بەرهەمئینانا فلمێ تۆرن یێ رۆمانی دەرهێنەرێ ئێزدی(نەوزاد شێخانی) بۆ رۆژناما دەنگێ لالش دیاركر،فلم ژ دەرهێنان و مونتاژ و هزر و چیرۆكا وییە و كار دسیناریۆ و نڤیسینێ ژی دا كریە و ژ بەرهەمئینانا سالا(2018)ێ یە بەری دوو هەیڤان پشكداری دچار فیستەڤالێن جیهانی دا كریە،ئەو ژی ل كالیفۆرنیا ل لۆسئەنجلۆس دوو خەلاتێن سەرەكی لێ وەرگرتن باشترین فلمێ رۆمانی و سینەمایی بوو،ل فیستەڤالا (ئۆرپیان سینەماتیك)وارشۆ ل پۆلەندا دوو خەلات وەرگرتن باشترین فلمێ رۆمانی یێ بیانی و باشترین مونتاژ بوو،دیسان ل فیستەڤالا سێیێ ل لەندەن ل بریتانیا (گۆلد مۆفی ۆلد) باشترین ترایلەر هاتە وەرگرتن،دهەموو فیستەڤالان دا فلمێ تۆرن وەكو فلمێ سەرەكی هاتە دەستنیشانكرن بۆ هەڤركیا بدەستڤەئینانا خەلاتان لدوڤ پیڤەرێن فلمێن جیهانی وفلمێن هەرە باش دهاتنە ڤاڤارتن و تۆرن ژی ئێك ژ وان فلمان بوو خەلات بدەستخۆڤە ئیناین.
دەربارەی چیرۆكا فلمێ تۆرن شێخانی ئاشكەراكر،فلمێ تۆرن ب گشتی بەحسێ چیرۆكا هەر مرۆڤەكی دكت تووشی شەرێن جینۆسایدێ و چەوساندنێ بووین و زۆری و ستەمێ و ئاوارەبوونا مرۆڤی ژ وەلاتێ وی،ب رێیا چیرۆكا تراژیدیا ئێزدیا گەلێ ئێزدی یێ رەسەن د درێژاهیا دیرۆكێ دا كو تووشی پتر ژ(74)قركرن و جینۆسایدا بوویە،ب رێیا ڤی فلمی من هەول دا گەلەك پەیامان بگەهینمە جیهانێ ژوانا داعش و من دا دیاركرن كو هەوێن كۆمكوژیێ وەكهەڤن ئیرۆ مە دیت كۆمكوژیا داعش دژی ئێزدیا ئەنجام دایی،هەموو كۆمكوژی هەمان هزر وبیرێن توند و كارێن هەڤپشكن وەكو(كۆمەلكوژی،وێرانكرن،قركرن،دەستدرێژیكرن،كوشتن و هتد…)،ئەڤ تشتە هەموو هاتنە كرن لژێرناڤێن جێواز من بۆ جیهانێ دا دیاركرن كو ئێزدی تووشی جینۆسایدەكا سەرتاسەری بووینە و مەترسیەكا مەزن لسەر پاشەرۆژا وان هەیە كو رەنگە رۆژەكێ تووشی نەمانێ ببن،ئێزدی ژبەر جینۆسایدا بسەرێ وان دا هاتی دەربەدەری وەلاتێن ئەورۆپا و رۆژهەلاتێ ئەورۆپا بوون و دڤێ هەوا كۆمەلكوژیا بكۆم دا لسەردەستێ داعش تووشی نەهامەتیان بوون.
ژلایەكی دی ڤە دیاركر،فلم هەڤركیێ دناڤبەرا مرن و ژیانێ دا دیار دكت و هەڤركیێ لسەر مانێ و فەلسەفا شارستانیەتا ئایینان و ئاشتی و ڤیانێ دكت و بەلاڤكرنا وان ل جیهانێ دا.
سەبارەت پشكداریا فلمی دفیستەڤالێن جیهانی دا دەرهێنەری گۆت:دەمێ فلمێ تۆرن پشكداری فیستەڤالێن جیهانی دكەم بۆ چینەكا دەستنیشانكری یە داكو پتر خەلاتان بدەستخۆڤە بینم،ل دەمەكی كێم دا كاریە (12)خەلاتێن نێڤ دەولەتی ل وان فیستەڤالێن جیهانی دا بدەستخۆڤەبینت، ژ وان خەلاتان ژی باشترین دەرهێنەر دبەریكانا فلمێن فەرمی دا یێن خەلاتێن سینەمایا ئەورۆپی ل پۆلۆنیا،باشترین مونتاژ ل بەریكانا فلمێن فەرمی یێن خەلاتێن سینەمایا ئەورۆپی ل پۆلۆنیا،باشترین فلم ژ فلمێن رۆمانی یێن بیانی یێن درێژ ل فیستەڤالا هولیوود یا نێڤ دەولەتی یا فلمێن سینەمایی دا،باشترین سینەماتوگراف ل فیستەڤالا هولیوود یا نێڤ دەولەتی یا فلمێن سینەمایی دا،خەلاتێ دەرهێنانا زۆر باش و باشترین فلم لسەر ئایینان و خەلاتێ فلمێ باش ل فیستەڤالا كالكتا یا سینەمایی ل هندستانێ.
تُتاح هذه الصورة أيضا في: کوردی
