داود موراد:كار ل سه‌ر به‌ستنا كۆنگره‌يێن زانستى ل سه‌ر ئێزدياتيێ و ديرۆكا ئێزديان دێ كه‌ين
تۆرا لالش:
به‌رپرسێ پشكا لێكۆلين و ڤه‌كۆلينان ل بنگه‌هێ لالش ل دهۆكێ دياركر؛ هه‌موو پێكۆلێن خۆ دێ ئێخينه كار ژبۆ كاراكرنا ڤێ پشكا گرنگ و هاريكاريا ڤه‌كۆله‌ر و نڤيسكاران ل سه‌ر چاپكرنا به‌رهه‌مێن وان،زێده‌بارى گرێدانا كۆنگره‌يێن زانستى.
داود موراد خه‌تارى،به‌رپرسێ پشكا لێكۆلين و ڤه‌كۆلينان ل بنگه‌هێ لالش ل دهۆكێ بۆ(تۆرا لالش)راگه‌هاند؛پشكا لێكۆلين و ڤه‌كۆلينان ژ گرنگترين پشكێن بنگه‌هى يه،چنكو بنگه‌هـ ل سه‌ر بنه‌مايێ لێكۆلينان هاتيه دامه‌زراندن،ژبۆ هاريكاريكرنا نڤيسكار و ڤه‌كۆله‌ران ل سه‌ر چاپكرنا به‌رهه‌مێن وان يێن زانستى و به‌ستنا كۆنگره‌يێن زانستى ل سه‌ر ئێزدياتيێ و ديرۆكا ئێزديان.
خوياكر ژى ئه‌م سۆزێ دده‌ين هه‌موو پێكۆلێن خۆ بێخنه كار ژبۆ كاراكرنا ڤێ پشكا گرنگ و هاريكاريا ڤه‌كۆله‌ر و نڤيسكاران بكه‌ين ل سه‌ر چاپكرنا به‌رهه‌مێن وان پشتى ره‌زامه‌نديا تايبه‌تمه‌ندان دبياڤێ هه‌لسه‌نگاندنا زانستى دا و ديسان گرێدانا كۆنگره‌يێن زانستى.
خه‌تارى گۆتژى ئه‌م پێتڤى ب پێشنيارێن هه‌موو ڤه‌كۆله‌ر و ئه‌كاديميايى نه هه‌تا بكارين به‌رهه‌م و چاپه‌مه‌نيێن گرنگ و به‌ها پێشكێش بكه‌ين كو جڤاك و قوتابى مفادار بن.
تُتاح هذه الصورة أيضا في: کوردی
