سزایێ سێداره‌دانێ بۆ داعشیه‌كێ بكوژێ ئێزدیان ده‌ركه‌فت
WAAR-دهۆك:
دادگه‌ها تاوانان ل پارێزگه‌ها نه‌ینه‌وا ئه‌ڤرۆ، سزایێ سێداره‌دانێ ب سه‌ر داعشییه‌كێ ده‌ركر پشتی كو دانپێدان ب كوشتنا ئێزدییان و ره‌ڤاندنا كچ و ژنێن ئێزدییان دا كری.
ناڤه‌ندنا راگه‌هاندنا جڤاتا دادوه‌ری یا بلند د به‌یانه‌كێ دا راگه‌هاند؛ ده‌سته‌یا ئێكێ یا دادگه‌ها تاوانێن پارێزگه‌ها نه‌ینه‌وا ئه‌ڤرۆ سزایێ سێداره‌دانێ بۆ داعشییه‌كێ ده‌رخست، پشتی كو دانپێدان ب كوشتنا ئێزدییان كری و هه‌روه‌ها ده‌ست د ره‌ڤاندنا ژنێن ئێزدی دا هه‌بوویه.
هه‌روها دا زانین، داعشیێ سزایێ سێداره‌دانێ بۆ ده‌ركه‌فتی، ل ده‌ما كه‌فتنا مووسلێ، كار د پۆلیسێن وێ رێكخستنا تیرۆرستی دا كرییه كو ل وی ده‌می ناڤێ دیوان ئه‌ل حسبه لێ كربوو.
هه‌روه‌ها پشكداری شه‌ڕێ كه‌فتنا شنگالێ، گوندێن كۆچۆ و ناوچه‌یێن عه‌دنانیێ، قه‌حتانیێ، جه‌زیره و دومیز دا كرییه و ده‌ست د كوشتن و ره‌ڤاندنا كچ و ژنێن ئێزدی ژی دا هه‌بوو.
ل گۆری به‌یانا جڤاتا دادوه‌ریێ، بابێ وی تیرۆرستی پێشوه‌خت راگه‌هاندبوو كو كورێ وی گه‌هشتییه رێزێن داعشێ، دادگه‌هێ ژی ئه‌ڤرۆ ل گۆری مادده‌یێ 4 ژ قانوونا دژه‌تیرۆرێ، سزایێ سێداره‌دانێ بۆ ده‌ركر.
تُتاح هذه الصورة أيضا في: کوردی
