قایممقامێ شنگال:خه‌لكێ شنگال بۆ هاتنا باوه‌شا هه‌رێما كوردستانێ رژدن
باسنيوز:
قایمقامێ قه‌زا شنگال دیاركر، کو سالا بۆرى وه‌كو ئه‌ڤرۆ خه‌لكێ شنگال ده‌نگ بۆ سه‌ربه‌خۆیا كوردستانێ دا وخواستن ژ عێراقێ جودابن، گوت ژی ”خه‌لكى شنگال بۆ هاتنا باوه‌شا هه‌رێما كوردستانێ رژدن“.
مه‌حما خه‌لیل، قایمقامێ قه‌زا شنگال بۆ (باسنیوز) دیاركر: “خه‌لكى شنگال وه‌كو ئه‌ڤرۆ، دگه‌ل هه‌موو خه‌لكێ كوردستانێ قه‌ستا سه‌ر سه‌ندۆقێن ده‌نگدانێ كرن، هه‌تا ئه‌ڤرۆ ژى خه‌لكى شنگال رژدن بهێنه باوه‌شا هه‌رێما كوردستانێ ژ عێراقێ جۆدابن. رێفراندۆم ده‌رمانێ برینا كوردێن ئێزدى بوو بتایبه‌تى ژى لیقه‌ومایێن شنگال. حكومه‌تا هه‌رێما كوردستانێ ل سه‌ر پرۆژێ پارێزگه‌هبوونا شنگال كاردكر لێ حه‌شدا شه‌عبى نه‌هێلا شنگال بهێته ئاڤه‌دانكرن ژیان ڤه‌گه‌رته ده‌ڤه‌رێ. به‌لێ هه‌ر خه‌لك شنگال گه‌رمن بۆ هاتنا سه‌ر هه‌رێما كوردستانێ ڤه، چوو جاران ده‌ستان ژ ڤێ مافێ خۆ به‌رناده‌ن”.
خویا ژى كر: “پشت راستبوونا خه‌لكێ شنگال دگه‌ل هه‌رێما كوردستانێ یه راسته ئه‌ڤه چه‌ند سالن شنگال رزگاربووى لێ خه‌لكێ شنگال باوه‌رى ب به‌غدا نه‌مایه، نه‌شێن ڤه‌گه‌رن. نۆكه ژى خه‌لكێ مه یێ رژدن بهێنه سه‌ر كوردستانێ ڤه، ژ جینوسایدا رزگاربن”.
ئاشكرا كر: “خه‌لكێ شنگال خواستن رێیا ئاشتیێ و دیمۆكراسیێ بهێنه سه‌ر هه‌رێما كوردستانێ ڤه ژ به‌غدا جودابن. پتریا شنگالیان رێیا رێفراندۆمى هه‌لبژارتن وده‌نگێ خوه دان چونكو بتنێ پاشه‌رۆژا ئێزدیان ل هه‌رێما كوردستانێ دهێته مسۆگه‌ر كرن”.
تُتاح هذه الصورة أيضا في: کوردی
