دوو دانعه‌مرێن رزگاربوويێن ده‌ستێ داعش ژیانا هه‌ڤژینیێ پێكئینان
باسنيوز:
كاره‌ساتا شنگال چه‌ندین چیرۆك ل دویف خۆ هێلان، ره‌شۆ و سارێ ژی ناڤێ خۆ ل ناڤ چیرۆكێن پری ڤیان و دلداری یێ كاره‌ساتێ تۆماركرن، هه‌ردو ناڤبری پشتی هاتنه ئێخسیر كرن د ده‌ستێ داعش دا و هه‌موو كه‌سێن خۆ ژ ده‌ست داین، ژیانه‌ك و لاپه‌ره‌ك نی تۆماركرن.
چیرۆكا رشۆ خدر خلف یێ 86 سالی و هه‌ڤژیناوی سارێ یا 80 سالی ژ چیرۆكێن هه‌ری گه‌رمێ سه‌ر زارێن ئاوارانه ل كه‌مپا كه‌برتو1.
سالم سه‌عید، به‌رپرسێ راگه‌هاندن و په‌یوه‌ندیان ل بۆردێ كارۆبارێن مرۆڤایه‌تى ل پارێزگه‌ها دهۆكێ، بۆ (باسنیوز) دیار كر، ره‌شۆ و سارێ ژیانا هه‌ڤژینیێ ل ڤێ داویێ پێك ئینان و هه‌ردۆ د بێ كه‌س و كار بوون، ب ئارمانجا پتر بایه‌خدان ب یه‌ك و دوو پشتی ژ ده‌ستدانا كه‌س و كارێن وان ل سه‌ر ده‌ستێ تیرۆرستێن داعش.
ئاشكرا ژى كر، ره‌شۆ و سارێ د ناڤ كه‌مپێ دا ژیانا خێزانی پێكئینا، بۆردێ كارو بارێن مرۆڤایه‌تی BRHA- كارگیریا كه‌مپا كه‌به‌رتو1 ژی ب ئه‌ركێ خۆ رابوون ب كارێ رێ و ره‌سمێن شه‌هیانا وان یا بێ ده‌نگ، دیسان هه‌موو كه‌ل و په‌ل و هاریكاری پێشكێشی هه‌ردۆیان هاتن كر و هێله‌كا كه‌هره‌بێ یا تایبه‌ت ژلایێ كارگێریا كه‌مپێ بۆ وان هاتیه به‌رهه‌ڤكرن بێ به‌رامبه‌ر سه‌ره‌رای چه‌ندین جاران هاریكاریێن دراڤی ژی بۆ هه‌ردۆ بیك و زاڤایان هاتنه پێشكێشكرن.
خویاژى كر، كو هه‌ردۆ بیك و زاڤایێن 80 سالی گه‌له‌ك كێفخۆشن ب پێكئینانا ژیانا هه‌ڤژینیێ و ئۆمید خوازن ژیێ وان یێ مایی دگه‌ل یه‌ك و دوو بۆرینن.
تُتاح هذه الصورة أيضا في: کوردی
