ژبەر پەكەكێ و حەشدا شەعبی نۆژدار نەوێرن بچنە شنگال
باسنيوز:
سەرۆكێ لیژنا تەندروستی ل جڤاتا پارێزگەها مووسل دیاركر:” ئاریشە سەرەكی ل شنگال نەبوونا نۆژدارێن تایبەتمەندە چونكو نۆژدارێن ئێزدی كێمن و نۆژدارین عەرەب ژی ڤێ بارودوخێ دا گەلەك ب زەحمەت بهێنە ڤەگوهاستن بچن ل شنگال دەوامێ بكەن ژبەركو نەوێرن بچن”.
خدر ئەلیاس ئادی ، سەرۆكێ لیژنا تەندروستی ل جڤاتا پارێزگەها مووسل بۆ(باسنیوز) دیاركر:” رەوشا ئەمنی هەتا نۆكە باش نینە ل شنگال ژبەر پەكەكێ و حەشدا شەعبی رەوش ئالۆزە لەورا ژی نۆژدارین تایبەتمەند نەشێن بچن ل شنگال دەوامی بكەن. هەكە رەوشا شنگال خۆش ژی بیت دێ ئەو ئاریشە ژی هەتا رادەیەكێ هێتە چارەسەركرن. هەروەسا ژی مێلاكی تەندروستیا نەینەوا ژی یێ كێمە هەتا 300 نۆژداران كێماسی هەیە. هەروەسا وەزارەتا ساخلەمیێ ل بەغدا ژی دبێژت پارێ مە بۆ كرینا دەرمان وپێدڤیێن نۆژداری نینە.ل شنگال دۆرین 28 بنگەهێن تەندروستی هەبوون لێ نۆكە گەلەك ژێ وێران كرینە ژبەر شەرێ تیرۆرستێن داعش”.
خویا ژی كر:” ل هندەك دەڤەرێن خەلك ڤەگەریان بنگەهێن تەندروستی هاتینە نوژەنكرن. ل وان كۆمەلگەه و گوندێن خەلك نەزڤرین بنگەه ونەخۆشخانا ژی لێ نینن. هەتا خەلك نە ڤەگەرن بنگەه و نەخۆشخانێن دەڤەرێ ناهێنە نوژەنكرن، چونكو هەكە بهێتە نوژەنكرن ژی وزێرەڤان ل بەر نەبیت دێ جارەكا دی هێتە وێرانكرن”.
ئاشكرا كر:” ب شیوەیەكێ گشتی پشتەڤانیا دەرمان یا كێمە نە بتنێ ل قەزا شنگال بەلكو ل سەرانسەری پارێزگەها مووسلێ چونكو بەغدا وەكو پێدڤی هاریكاری ناكەت “
تُتاح هذه الصورة أيضا في: کوردی
